ශ්‍රී ලංකා ගුවන් හමුදා සේවා වනිතා ඒකකය මගින් ඉරණමඩු ප‍්‍රදේශයේ පිහිටි "කියන් සෙත්" පෙර පාසලේ හා "කයල් වේලි" පෙර පාසලේ දරු දැරියන් වෙනුවෙන් පාසල් උපකරණ හා පෙර පාසල් නිල ඇදුම් බෙදාදීමේ උත්සවයක් ගුවන් හමුදා සේවා වනිතා ඒකකයේ සභාපතිනි රොෂාණි ගුණතිලක මහත්මියගේ ප්රධානත්වයෙන් අද (23) පෙරවරුවේ පැවැත්විණ.
මෙම පෙර පාසල් දරු දරියන් හට මෙතෙක් අඩු පාඩුවක්ව පැවති ළමා උද්‍යාන ඉදිකිරීම සඳහා ගුණතිලක මහත්මිය විසින් මුදල් පරිත්‍යාගයක්ද සිදුකරනු ලැබුවාය.
මෙම ප‍්‍රජා සත්කාරයන් සඳහා රොෂාණි ගුණතිලක මහත්මිය, ගුවන් හමුදා ඉරණමඩු කඳවුරේ අණදෙන නිලධාරි විංග් කමාන්ඩර් මනෝජ් ගලප්පත්ති ඇතුළු ගුවන් හමුදා සේවා වනිතා ඒකකයේ නිලධාරින් මෙන්ම ගුවන් හමුදා සේවා වනිතා ඒකකයේ සමාජිකාවන් ඇතුළු ගුවන් හමුදා ඉහළ නිලධාරින් පිරිසක් හා ප‍්‍රදේශවාසින් විශාල පිරිසක්ද සහභාගි වූහ.
ECB
රජයේ නිල පුවත් වෙබ් අඩවිය පවත්වාගෙන යනු ලබන්නේ රජයේ ප්‍රවෘත්ති දෙපාර්තමේන්තුවේ නව මාධ්‍ය ඒකකය මගිනි. 1996 වර්ෂයේ මැද භාගයේ දී news.lk නමින් ආරම්භ කළ එය අන්තර්ජාලයට මුදාහරින ලද්දේ 1997 මාර්තු මස 01 දින දීය. එතැන් පටන් සිංහල, දෙමළ හා ඉංග්‍රීසි භාෂාවලින් පවත්වාගෙන යනු ලබයි.
+94 11 366 3040
