එම රටවල් වන්නේ ඉන්දියාව, නේපාලය, බංගලාදේශය, පකිස්ථානය සහ මාලදිවයින් රාජ්‍යයයි. එක්සත් ජාතීන්ගේ මානව හිමිකම් කවුන්සිලය දහතුන් දෙනෙකුගෙන් සමන්විත කමිටුවක් හා විශේෂඥවරුන් තිදෙනෙකු ශ‍්‍රී ලංකාව පිළිබඳ ජාත්‍යන්තර පරීක්ෂණයක් සඳහා පත්කර ඇත.
මේ වනවිටත් ඉන්දියාව විසින් අදාළ පරීක්ෂණ කමිටුවට එරටට ඇතුළුවීම සඳහා වීසා ලබා දීම ද ප‍්‍රතික්ෂේප කර ඇත. ඒ අනුව අදාළ පරීක්ෂණ කමිටුවට සිය පරීක්ෂණ කටයුතු කිරීමට සිදුව ඇත්තේ දකුණු ආසියාවෙන් එපිට රටවල සිටය.
මේ අනුව ඔවුන්ට දකුණු ආසියාවෙන් එතෙර අමෙරිකාවේ නිව් යෝර්ක්, ස්විට්සර්ලන්තයේ ජිනීවා සහ තායිලන්තයේ බැංකොක් වැනි නගරවල සිට මෙම පරීක්ෂණය කිරීමට සිදුව තිබෙන බව වාර්තා වන අතර ඔවුන් ඒ සඳහා ශී‍්‍ර ලංකාව ටෙලි කොන්ෆරන්ස්, ස්කයිප් ආදී ක‍්‍රම ඔස්සේ සම්බන්ධ කර ගැනීමට උත්සාහ දරණු ඇතැයි ද වාර්තා වේ.
DB/ priu
