පළමු වතාවට හොරණ දී පැවැත් වූ "ග්රෑම් 200" නමින් නම් කළ පලතුරු ප්‍රදර්ශනය සාර්ථක බවත් එය වාර්ෂිකව පැවැත්වීමට සැලසුම් කරන බවත් හොරණ, කනන්විල පලතුරු පර්යේෂණ හා සංවර්ධන ආයතනයේ අධ්‍යක්ෂ ආචාර්ය සුභා හීන්කෙන්ද මහතා රජයේ නිල පුවත් වෙබ් අඩවියට අද (21) පැවසීය.
පලතුරු ප්‍රදර්ශනයේ අවසන් දිනය අද (21)යි. ආරම්භක දිනයේ සිට ඊයේ (20) වන විට පලතුරු ප්‍රදර්ශනය නැරඹීම සඳහා දළ වශයෙන් ලක්ෂ 3 1/2ත් 4ත් අතර ජනතාවක් පැමිණි බව ඔහු සඳහන් කළේය.
අද පස්වරු 6.00ට ප්‍රදර්ශනය අවසන් වන අතර අද දින 25,000ත් 30,000ත් අතර ජනතාවක් පලතුරු ප්‍රදර්ශනය නැරඹීමට පැමිණෙනු ඇතැයි අපේක්ෂා කරන බව ද අධ්‍යක්ෂවරයා වැඩිදුරටත් පැවසීය.
"ග්රෑම් 200" යනුවෙන් නම් කර තිබූ 2014 - පලතුරු ප්‍රදර්ශනය පසුගිය 14දා ආරම්භ කෙරිණි.
NDH
රජයේ නිල පුවත් වෙබ් අඩවිය පවත්වාගෙන යනු ලබන්නේ රජයේ ප්‍රවෘත්ති දෙපාර්තමේන්තුවේ නව මාධ්‍ය ඒකකය මගිනි. 1996 වර්ෂයේ මැද භාගයේ දී news.lk නමින් ආරම්භ කළ එය අන්තර්ජාලයට මුදාහරින ලද්දේ 1997 මාර්තු මස 01 දින දීය. එතැන් පටන් සිංහල, දෙමළ හා ඉංග්‍රීසි භාෂාවලින් පවත්වාගෙන යනු ලබයි.
+94 11 366 3040
