අද උදෑසන 05.30ට නිකුත් කරන ලද කාලගුණ අනාවැකියට අනුව දිවයිනේ බස්නාහිර, සබරගමුව සහ මධ්‍යම පළාත්වලත් ගාල්ල සහ මාතර දිස්ත්‍රික්කවලත් වැසි වාරයක් හෝ දෙකක් ඇති වේ. වයඹ පළාතට ද මඳ වැස්සක් අපේක්ෂා කළ හැක.
ප්‍රධාන නගර සඳහා කාලගුණ අනාවැකිය
ගාල්ල සහ කොළඹට මඳ වැසි ද රත්නපුරයට වැසි වාර කිහිපයක් ද නුවරඑළිය සහ මහනුවරට වැසි ස්වල්පයක් ද ඇති විය හැක.
අනුරාධපුරය, මඩකළපුව, ත්‍රිකුණාමලය, මන්නාරම සහ යාපනයට ප්‍රධාන වශයෙන් වැසි නොමැති තත්ත්වයක් පවතී.
උෂ්ණත්වය හා වර්ෂාපතනය
උපරිම උෂ්ණත්වය සෙල්සියස් අංශක 37.0°C මඩකළපුවෙන් ද අවම උෂ්ණත්වය සෙල්සියස් අංශක 13.0°C නුවරඑළියෙන් ද අපේක්ෂා කෙරේ.
ඊයේ උදෑසන 8.30න් අවසන් වූ පැය 24 සඳහා දිවයිනේ උපරිම උෂ්ණත්වය සෙල්සියස් අංශක 37.6°C මඩකළපුව ප්‍රදේශයෙන් ද අවම උෂ්ණත්වය සෙල්සියස් අංශක 13.6°C නුවරඑළියෙන් ද මි.මී. 10.0ක උපරිම වර්ෂාපතනය කුකුළේගඟ ප්‍රදේශයෙන් ද වාර්තා වී තිබේ.
HC
