අපොස සා/පෙළ ගණිතය සම්පූර්ණ කිරීමට වසර දෙකක් වැනි කාලයක් ලබාදීම තුළින් අධ්‍යාපන අමාත්‍යංශය වැදගත් තීන්දුවක් ගෙන ඇති බව ජනමාධ්‍ය හා ප්‍රවෘත්ති අමාත්‍ය කෙහෙලිය රඹුක්වැල්ල මහතා පැවසීය.
අමාත්‍යවරයා මේ බව ප්‍රකාශ කළේ අද (17) ජනමාධ්‍ය හා ප්‍රවෘත්ති අමාත්‍යංශයේ පැවැති කැබිනට් තීරණ දැනුම් දීමේ ප්‍රවෘත්ති සාකච්ඡාවට සහභාගිවෙමිනි.
ගණිතය විෂය සමත්වීමට නොහැකිවන දරුවන් අනෙක් සෙසු විෂයන් සඳහා දක්ෂතා දැක්වීමට හැකියාව ඇති බව පෙන්වා දුන් අමාත්‍යවරයා සාමාන්‍ය පෙළ ගණිතය විෂය සමත්වීමට වසර දෙකක කාලයක් ලබාදීමත් ඒ සඳහා අමතර පන්ති පැවැත්වීමටත් ගෙන ඇති තීරණය ඉතා හොඳ බවත් පෙන්වා දුන්නේය.
මේ හරහා දරුවන්ට අසාධාරණයක් නොවන බවත් අමාත්‍යවරයා වැඩිදුරටත් පෙන්වා දුන්නේය.
DB/HC
රජයේ නිල පුවත් වෙබ් අඩවිය පවත්වාගෙන යනු ලබන්නේ රජයේ ප්‍රවෘත්ති දෙපාර්තමේන්තුවේ නව මාධ්‍ය ඒකකය මගිනි. 1996 වර්ෂයේ මැද භාගයේ දී news.lk නමින් ආරම්භ කළ එය අන්තර්ජාලයට මුදාහරින ලද්දේ 1997 මාර්තු මස 01 දින දීය. එතැන් පටන් සිංහල, දෙමළ හා ඉංග්‍රීසි භාෂාවලින් පවත්වාගෙන යනු ලබයි.
+94 11 366 3040
