සීනි කර්මාන්ත සංවර්ධන අමාත්‍යාංශය යටතේ ඇති ලංකා සීනි සමාගම යටතේ පාලනය වන පැල්වත්ත හා සෙවණගල සීනි කර්මාන්තශාලාවලට වැඩිම අස්වැන්නක් ලබා දී ඉහළ ආදායමක් ලැබූ සහ උක් වගාව පිළිබඳ වැඩි උනන්දුවක් දක්වන ගොවීන් 20 දෙනෙක් වැඩිදුර පුහුණුව සඳහා පසුගියදා ඉන්දියාව බලා පිටත් ව ගියහ.
සම්මුඛ පරීක්ෂණ මඟින් තෝරාගත් ඔවුන්ට දින අටක වැඩ මුළුවක් සහ උක් වගාව පිළිබඳ අධ්‍යයනයක් ඉන්දියාවේ දී ලබා දීම මෙම පුහුණුවේ අරමුණ වේ.
සීනි කර්මාන්ත සංවර්ධන අමාත්‍ය ලක්‍ෂ්මන් සෙනවිරත්න මහතාගේ සංකල්පයක් මත ක්‍රියාත්මක වන මෙම වැඩසටහන අඛණ්ඩව ඉදිරියට ගෙන යාමට බලාපොරොත්තු වන බව සීනි කර්මාන්ත සංවර්ධන අමාත්‍යාංශය පවසයි.
ECB
රජයේ නිල පුවත් වෙබ් අඩවිය පවත්වාගෙන යනු ලබන්නේ රජයේ ප්‍රවෘත්ති දෙපාර්තමේන්තුවේ නව මාධ්‍ය ඒකකය මගිනි. 1996 වර්ෂයේ මැද භාගයේ දී news.lk නමින් ආරම්භ කළ එය අන්තර්ජාලයට මුදාහරින ලද්දේ 1997 මාර්තු මස 01 දින දීය. එතැන් පටන් සිංහල, දෙමළ හා ඉංග්‍රීසි භාෂාවලින් පවත්වාගෙන යනු ලබයි.
+94 11 366 3040
