එහිදී ගුවන් හමුදා සෙබළුන් විසින් යුද හමුදාපතිතුමන් වෙත සම්මාන ආචාර පෙළපාලියක් ද පිරිනමන ලදී.
ගුවන් හමුදා අණදෙන නිලධාරී එයාර් කොමදෝරු ප්‍රසන්න පායෝ මහතා විසින් යුද හමුදාපතිතුමන්ව උණුසුම් අයුරින් පිළිගන්නා ලදී.
යුද හමුදාපති ලුතිතන් ජෙනරාල් ක්‍රිෂාන්ත ද සිල්වා හා ගුවන් හමුදාපති එයාර් මාර්ෂල් ගුණතිලක මහත්වරු අතර පැවති මෙම සුහද හමුවේදී යුද හමුදාවේ සහ ගුවන් හමුදාවේ වත්මන් තත්ත්වය මෙන්ම ඉදිරි සැලසුම් පිළිබඳ ව සාකච්ඡා කළහ.
යුද හා ගුවන් හමුදාපතිවරුන් අතර සමරු තිළිණ හුවමාරුවක් ද සිදු වූ අතර, ගුවන් හමුදාපති කාර්යාලයේ ඇති විශේෂ අමුත්තන් සඳහා වූ පොතෙහි ද යුද හමුදාපතිතුමා විසින් සිය අත්සන තබන ලදී.
NDH/army.lk
