නව ජල බවුසර් දෙකක් මාතලේ දිස්ත්‍රික්කයට ලැබීම නිසා ඉදිරියේදී එන ඕනෑම නියං තත්වයකට සාර්ථකව මුහුණ දීමට හැකි බව මාතලේ දිස්ත්‍රික් ආපදා කළමනාකාරණ ඒකකයේ සහකාර අධ්‍යක්ෂ මහින්ද අමරවීර මහතා පවසයි.
සෑම වර්ෂයකම පාහේ නියං තත්ත්වය හේතුවෙන් ගලේවෙල, දඹුල්ල, විල්ගමුව ආදි ප්‍රදේශ රැසකට බවුසර් මගින් පාණිය ජලය බෙදා හැරීමට සිදුවේ.
ඉදිරියේදී එවන් නියං තත්වයක් ඇතිවුවහොත් පාණිය ජලය බෙදා හැරිමේ කටයුතු ඉතා විධිමත් අයුරින් සිදුකිරිමට අවශ්‍ය පහසුකම් මෙමගින් සැලසී තිබේ. මේ වන විට විශාල බවුසර් 3ක්ද, ට්‍රැක්ටර් බවුසර් 3ක් මාතලේ දිස්ත්‍රික් ආපදා කළමනාකරණ ඒකකය සතුවන බවද අමරවීර මහතා වැඩිදුරටත් පැවැසීය. චීන ආධාර යටතේ නව ජල බවුසර් දෙක ලැබී තිබේ.
DMU/matale
රජයේ නිල පුවත් වෙබ් අඩවිය පවත්වාගෙන යනු ලබන්නේ රජයේ ප්‍රවෘත්ති දෙපාර්තමේන්තුවේ නව මාධ්‍ය ඒකකය මගිනි. 1996 වර්ෂයේ මැද භාගයේ දී news.lk නමින් ආරම්භ කළ එය අන්තර්ජාලයට මුදාහරින ලද්දේ 1997 මාර්තු මස 01 දින දීය. එතැන් පටන් සිංහල, දෙමළ හා ඉංග්‍රීසි භාෂාවලින් පවත්වාගෙන යනු ලබයි.
+94 11 366 3040
