ශ්‍රී ලංකාවේ ජනමාධ්‍ය ක්ෂේත්‍රයේ ප්‍රවීන ජනමාධ්‍යවේදියකු වූ බීබීසී ලෝක සේවයේ හිටපු කොළඹ වාර්තාකරු සහ ශ්‍රී ලංකා ගුවන්විදුලි සංස්ථාවේ හිටපු ජ්‍යේෂ්ඨ නිවේදකයකු වූ එල්මෝ ප්‍රනාන්දු මහතා ඊයේ අද (11) අලුයම අභවප්‍රාප්ත වී තිබේ.
අභාවප්‍රාප්ත වනවිට 75වනවියේ පසූ වූ එල්මෝ ප්‍රනාන්දු මහතා, තිදරු පියෙකු වෙයි. 1967 දී ශ්‍රී ලංකා ගුවන්විදුලි සංස්ථාවට එක් වූ ඒ මහතා 1984 දී පිලිපීනයේ කතෝලික ගුවන්විදුලි සේවයට ( වෙරිටාස් ) සම්බන්ධ විය. ඉන් පසුව බී .බී.සී සේවයට සම්බන්ධ වන එල්මෝ ප්‍රනාන්දු මහතා වසර 20ක පමණ කාලයක් සේවය කළේ ය.
ජනමාධ්‍යවේදි එල්මෝ ප්‍රනාන්දු මහතාගේ දේහය බත්තරමුල්ල, පැලවත්ත, අංක 314 නිවසේ තැම්පත්කර තිබෙන අතර අවසන් කටයුතු අද (11) පැලවත්ත,රෝමානු කතෝලික දේවස්ථානයේ සුසාන භූමියේ දී සිදු කිරීමට නියමිත ය.
රජයේ නිල පුවත් වෙබ් අඩවිය පවත්වාගෙන යනු ලබන්නේ රජයේ ප්‍රවෘත්ති දෙපාර්තමේන්තුවේ නව මාධ්‍ය ඒකකය මගිනි. 1996 වර්ෂයේ මැද භාගයේ දී news.lk නමින් ආරම්භ කළ එය අන්තර්ජාලයට මුදාහරින ලද්දේ 1997 මාර්තු මස 01 දින දීය. එතැන් පටන් සිංහල, දෙමළ හා ඉංග්‍රීසි භාෂාවලින් පවත්වාගෙන යනු ලබයි.
+94 11 366 3040
