ගණිත විෂය ධාරාව යටතේ ප‍්‍රථමයා වූ ජේ. ඒ. දසුන් ඕෂධ ජයසිංහ බිහි වූයේ කොළඹ රාජකීය විද්‍යාලයෙනි. 2012 වර්ෂයේ අ.පො.සා (සා/පෙළ) විභාගයෙන් දිවයිනේම ප‍්‍රථමයා ද වූයේ ඔහු වීම විශේෂත්වයකි.
ජීව විද්‍යා අංශයේ ප‍්‍රථමයා වූයේ ගම්පහ රත්නාවලී බාලිකා විද්‍යාලයේ කේ. පී. ජී. තෙපුලි උමේෂා කරුණාවල්ලභ ශිෂ්‍යාවයි.
වාණිජ අංශයේ ප‍්‍රථම ස්ථානය කුරුණෑගල මලියදේව පිරිමි විද්‍යාලයේ එෆ්. එම්. අකිල් මොහොමඩ් ශිෂ්‍යයාට හා කලා අංශයේ ප‍්‍රථම ස්ථානය කුරුණෑගල මලියදේව බාලිකා විද්‍යාලයේ කේ. ඒ. ජීවා නයනමාලී ශිෂ්‍යාවට හිමි විය.
ඉංජිනේරු තාක්ෂණවේදය විෂය ධාරාව යටතේ මාතලේ ශාන්ත තෝමස් පිරිමි විද්‍යාලයේ එස්. එම්. ඒ. ඩබ්ලිව්. ශානක අනුරාධ සමරකෝන් ශිෂ්‍යයා ප‍්‍රථම ස්ථානය හිමිකරගත් අතර ජෛව පද්ධති තාක්ෂණවේදය විෂය ධාරාව යටතේ බණ්ඩාරවෙල ධර්මපාල මහා විද්‍යාලයේ එම්. ඒ. වාසනා නවෝදනී මාරසිංහ ශිෂ්‍යාවට ප‍්‍රථම ස්ථානය හිමි විය.
පොදු/වෙනත් විෂය ධාරාව යටතේ ප‍්‍රථම ස්ථානය හිමි කරගනු ලැබුවේ රත්නපුර සීවලී මධ්‍ය මහා විද්‍යාලයේ වී. එම් බුද්ධික චතුරංග කරුණාරත්න සිසුවා විසිනි.
