ඒ සඳහා 2013 වසර තුළ විද්‍යුත් හා මුද්‍රිත මාධ්‍යය තුළින් ප‍්‍රකාශිත තම නිර්මාණ ඉදිරිපත් කරන ලෙස සියලුම ජනමාධ්‍යවේදීන්ට, නිර්මාණ ශිල්පීන්ට, මාධ්‍ය ආයතන ප‍්‍රධානීන්ට හා පුවත්පත් කතුවරුන්ට එම අමාත්‍යාංශය දැනුම් දෙයි.
පහත සඳහන් පරිදි සම්මාන පිරිනමන ක්ෂේත‍්‍රයන් සඳහා නිර්මාණ ඉදිරිපත් කළ යුතු වේ.
ගුවන්විදුලි - විශිෂ්ට ළමා වැඩසටහන, විශිෂ්ට සංගීතමය වැඩසටහන, විශිෂ්ට කාලීන වැඩසටහන, විශිෂ්ට වැඩසටහන් ඉදිරිපත් කරන්නා, විශිෂ්ට ප්රවෘත්ති වාර්තාකරණය, විශිෂ්ට නිවේදක.
රූපවාහිනී - විශිෂ්ට සඟරාමය වැඩසටහන, විශිෂ්ට සංවාද වැඩසටහන, විශිෂ්ට වාර්තා වැඩසටහන, විශිෂ්ට ළමා වැඩසටහන, විශිෂ්ට අධ්‍යාපන වැඩසටහන, විශිෂ්ට ප්රවෘත්ති වාර්තාකරණය, විශිෂ්ට සංගීත වැඩසටහන, විශිෂ්ට ග‍්‍රැෆික් නිර්මාණය /සජීවීකරණය, විශිෂ්ට පූර්ව ප‍්‍රචාරක පටය, විශිෂ්ට රූපවාහිනී වැඩසටහන් ඉදිරිපත් කිරීම.
වෙබ් අඩවි - විශිෂ්ට පුවත් වෙබ් අඩවිය, විශිෂ්ට පුවත් වාර්තාකරණය, විශිෂ්ට විශේෂාංග ලිපිය, විශිෂ්ට සැකැස්ම.
මීට අදාළ අයදුම්පත් ජනමාධ්‍ය හා ප්රවෘත්ති අමාත්‍යාංශයේ සංවර්ධන අංශයෙන් ලබා ගත හැකි අතර www.media.gov.lk වෙබ් අඩවියෙන් ද බාගත කර ගත හැකියි. සම්පූර්ණ කරන ලද අයදුම්පත් ජූලි 25 දිනට හෝ ඊට පෙර අතිරේක ලේකම් (සංවර්ධන හා සැලසුම්) ජනමාධ්‍ය හා ප්රවෘත්ති අමාත්‍යාංශය, අංක 163, කිරුළපන මාවත, පොල්හේන්ගොඩ, කොළඹ 05 යන ලිපිනයට ලියාපදිංචි තැපෑලෙන් හෝ අතින් භාරදිය හැකිය.
මේ පිළිබඳ වැඩිදුර විස්තර සඳහා එම අමාත්‍යාංශයේ දූරකතන අංක 011-2513459 හෝ 011-2513460 මඟින් සංවර්ධන අංශය ඇමතීමෙන් ලබා ගත හැකි වේ.
NDH
රජයේ නිල පුවත් වෙබ් අඩවිය පවත්වාගෙන යනු ලබන්නේ රජයේ ප්රවෘත්ති දෙපාර්තමේන්තුවේ නව මාධ්‍ය ඒකකය මගිනි. 1996 වර්ෂයේ මැද භාගයේ දී news.lk නමින් ආරම්භ කළ එය අන්තර්ජාලයට මුදාහරින ලද්දේ 1997 මාර්තු මස 01 දින දීය. එතැන් පටන් සිංහල, දෙමළ හා ඉංග්‍රීසි භාෂාවලින් පවත්වාගෙන යනු ලබයි.
+94 11 366 3040
