එමෙන්ම ඔවුන්ගේ සංවර්ධන ක්‍රියාදාමයන් ලෝකයට ආදර්ශ සපයන්නට ද සමත් . ශ්‍රීලංකාව වැනි රටක චීනය වැනි ලෝකයේ වැඩිම ජනගහනයක් සිටින රටක් සංවර්ධනය වෙනුවෙන් සිදුකරන ක්‍රියාමාර්ග ගැලපෙන පරිදි උඛහා ගැනීම වරදක් නොවේ. එම රට දුප්පත් ජනතාවට සහන සලසන්නේ සහනාධාර වශයෙන් වුවත් එම ප්‍රදානයන් හරහා දිරිගන්වමින් ග්‍රාමීය ජනතාවට නිශ්චිත ඉලක්ක ලබාදෙන අතර විශේෂඥවින් විසින් ඉලක්ක සාක්ෂාත් කරගැනිම සදහා සියලු ජනතාවෝ මෙහෙයනු ලැබෙති.

සංවර්ධනාභීලාශීව ගන්නා එම ක්‍රියාමාර්ග හරහා ලබන වාර්ෂික සංවර්ධන ප්‍රගතිය එරට තුල සාකච්ඡා කරන ප්‍රධානතම සැසිවාර දෙකක් වාර්ෂිකව පැවැත්වේ. “නවීකරණය සහ ලෝකය : සියලු මිනිසුන් සඳහා පොදු සමෘද්ධිය ,, යන තේමාව මුල්කොට ගෙනයි මෙවර චීනයේ වාර්ෂිකව සිදුකරන ප්‍රධාන සංවර්ධනාත්මක සැසි වාර දෙක පැවැත්වුනේ. චීනයේ සංවර්ධන වැදගත්කම සාකච්ඡා කරන මෙම සැසි වාර පිළිබඳව එක්සත් රාජධානිය , එක්සත් ජනපදය , මැලේසියාව , බ්‍රසීලය , ඇතුළු රටවල් ගණනාවක නියෝජිතයින් සිය ධනාත්මක අදහස් පළකර තිබේ. පොදු සංවර්ධනය සඳහා චීන පිලිපැදීම ජනතාවගේ අවශ්‍යතා සඳහා වන බවත් එහි ප්‍රතිඵලය ලෝක ජනතාවට ඒත්තු ගැන්වීම වටිනා බවත් බොහෝ ජාත්‍යන්තර නියෝජිතයින්ගේ මතය වී ඇත. විද්වතුන් රැසක් චීන සංවර්ධනය පිලිබදව මෙම අදහස් පළකර ඇත්තේ , චීනයේ ප්‍රධානතම රූපවාහිනි නාලිකාවක් වන CGTN නාලිකාව සමඟ සාකච්ඡාවකට එක්වෙමින්.

ශ්‍රී ලංකාවට වඩා ආර්ථික අතින් ඉදිරියෙන් සිටින රටවල් ගණනාවක නියෝජිතයින් චීනයේ සංවර්ධන මාවත පිලිබඳව දක්වන ලද අදහස් වලින් පෙනී යන්නේ ගෝලීය වශයෙන් සංවර්ධනය සඳහා වන ආදර්ශ රාශීයක් චීන රට තුල පවතින බවයි. එම නිසා ආර්ථිකය නැන්වීමේ උපක්‍රමශීලීත්වයන් සොයන ශ්‍රී ලංකාව වැනි රටකට අභ්‍යන්තර වශයෙන් ජනතා පෙළඹවීම් සඳහා චීන ක්‍රියාමාර්ග අධ්‍යයනය කිරීම කාලීනව අගනා වේ. බ්‍රසීලයේ හිටපු සංවර්ධන , කර්මාන්ත හා විදේශ වෙළඳ අමාත්‍ය Alessandro Golombiewski Teixeira අවධාරණය කර තිබුණේ, පසුගිය දශක කිහිපය තුල චීනයේ සංවර්ධන ජයග්‍රහණ සියලු මිනිසුන් සඳහා පොදු සමෘද්ධිය සාක්ෂාත් කරගැනීමේ ශක්‍යතාව ඔප්පු කර ඇති බවයි. චීන නවීකරණය තුල අවධානය යොමු කරන්නේ දරිද්‍රතාවය තුරන් කිරීම සහ දේශගුණික විපර්යාස ප්‍රතිචාර වැනි විශ්වීය ගැටළු කෙරෙහි වන අතර එය චීනයට පමණක් නොව එහි අසල්වැසි කලාප වලට සහ ලෝකයට ද ප්‍රතිලාභ ලබාදෙන්නක් බව ද බ්‍රසීල නියෝජිතවරයා එහිදී කියා තිබේ. එය මානව වර්ගයාගේ පොදු සමෘද්ධිය සාක්ෂාත් කරගැනිමට ඉමහත් ආදර්ශයක් බවයි බ්‍රසීලයේ මතය වන්නේ.

චීනයේ රෙන්මින් විශ්ව විද්‍යාලයේ බ්‍රිතාන්‍ය ජ්‍යෙෂ්ඨ සාමාජිකයෙකු වන “ජෝන් රොස්,, පවසා ඇත්තේ චීන නවීකරණයට සමාජය, අධ්‍යාපනය, සංස්කෘතිය සහ සෞඛ්‍යය වැනි බොහෝ අංශ ඇතුළත් වන බවයි. එය සැබවින්ම මිනිසුන්ගේ ජීවනෝපාය සහ යහපැවැත්ම වැඩිදියුණු කර ඇත. චීනය හා සසඳන විට, ධනවතුන් සහ දුප්පතුන් අතර විශාල පරතරයක් සමඟ එක්සත් ජනපදයේ සමාජ සංවර්ධනය අසමතුලිත බවක් ගන්නා බව ද ජොන් රොස් මහතා පවසා ඇත.
ඔස්ට්‍රේලියාවේ Macquarie විශ්වවිද්‍යාලයේ දේශපාලන හා ජාත්‍යන්තර සබඳතා ප්‍රධානී Geoffrey Hawker මහතාගේ මතය වී ඇත්තේ , ලෝකය විවිධ දුෂ්කර අභියෝගවලට මුහුණ දෙන බවත්, චීන මාදිලියේ නවීකරණ මාවත ඔස්සේ විවිධ අවදානම් සහ අභියෝගවලට හොඳින් මුහුණ දෙමින් සියලු මිනිසුන්ට සමෘද්ධිය ළඟා කර ගැනීමට හැකි වන බවත්ය.‍ෙ

චීනයේ Tsinghua විශ්වවිද්‍යාලයේ ආර්ථික විද්‍යා හා කළමනාකරණ පාසලේ Michael Powers "පොදු සමෘද්ධිය" සහ පිරිසිදු සුභසාධන සමාජයක් අතර වෙනස පැහැදිලි කළේය. චීනයේ "පොදු සමෘද්ධිය" සියලු මිනිසුන්ට ආර්ථික සංවර්ධනයට සම්බන්ධ වීමට අවස්ථාව ලබා දෙන බව ඔහු විශ්වාස කරයි. එය ධනවත් හා දුප්පතුන් අතර පරතරය අඩු කිරීම සඳහා අඩු ආදායම්ලාභී කණ්ඩායම්වලට සහනාධාර දීමේ සහ ඉහළ ආදායම් ලබන කණ්ඩායම්වලට බදු පැනවීමේ සාම්ප්‍රදායික ආකෘතිය මත පමණක් රඳා පවතී. එය යුරෝපය සහ ඇමරිකා එක්සත් ජනපදය ඇතුළු බොහෝ දෙනෙකුට ඉගෙනීමට වැදගත් , සෑම ප්‍රදේශයකම සහ ප්‍රදේශයන්හි මිනිසුන්ට ආර්ථික සංවර්ධනයේ අවශ්‍යතාවලින් සාධාරණ කොටසක් ලබා දීමට උත්සාහ කරන වඩාත් ක්‍රියාකාරී උපාය මාර්ගයකි.

මලයා විශ්වවිද්‍යාලයේ චීන අධ්‍යයන ආයතනයේ නියෝජ්‍ය අධ්‍යක්ෂ Peter Chang Thiam Chai පෙන්වා දුන්නේ “පොදු සමෘද්ධිය” පිළිබඳ අදහස ගෝලීය සංවර්ධනයට ආශ්වාදයක් බවයි. තම රට වන මැලේසියාවේ නාගරික සහ
ග්‍රාමීය ප්‍රදේශ අතර වෙරළබඩ සහ අභ්‍යන්තර ප්‍රදේශ අතර අසමතුලිත සංවර්ධනය උදාහරණයක් ලෙස ගනිමින්, චීනය යෝජනා කරන ''පොදු සමෘද්ධිය'' මගින් ධනවතුන් සහ දුප්පතුන් අතර විශාල පරතරය ඵලදායී
ලෙස කළමනාකරණය කළ හැකි බව ඔහු පැහැදිලි කළේය. එය ඉතා දූරදර්ශී සංවර්ධන උපාය මාර්ගයකි. සංවර්ධනය වෙමින් පවතින රටවලට චීනයේ අත්දැකීම් වලින් ඉගෙන ගත හැකි බොහෝ දේ පවතින බව ද එතුමා අවධාරණය කළේ ය.

සංවර්ධන පර්යේෂකයකු ලෙස ක්‍රියා කරන Li Yong,''පොදු සමෘද්ධිය'' සාක්ෂාත් කර ගැනීම සඳහා චීනයට පැහැදිලි සැලැස්මක් ඇති බව විශ්වාස කරන බව කියා සිටියේ ය. සියලු ජනතාව සංවර්ධනයට ඇතුළත් කිරීමට උත්සාහ කළ යුතු බව ඔහු විශ්වාස කරයි. ආර්ථික සංවර්ධනය ප්‍රවර්ධනය කිරීමේදී පුද්ගලයන්, රජයන් සහ ව්‍යවසායන් ක්‍රියාකාරී භූමිකාවක් ඉටු කළ යුතුය. එක් තීරයක් - එක් මාවතක් වැඩපිළිවෙළට මුලපිරීම හොඳ උදාහරණයක් ලෙස ද ඔහු දකී. චීනයේ බෙල්ට් ඇන්ඩ් රෝඩ් වැඩපිළිවෙළ සෑම රටකම ආර්ථික සංවර්ධනයට ජීව ශක්තියක් ගෙන ඒමෙන්, චීනයට සහ හවුල්කරුවන්ට සහයෝගීතාවයෙන් සමෘද්ධිමත් වීමට හැකියාව ලබා දීමෙන්, එය අවසානයේ BRI හි සියලුම හවුල්කාර රටවල ''පොදු සමෘද්ධිය'' සාක්ෂාත් කර ගැනීමට උපකාරී වේ යනුවෙන් ද එතුමා අවධාරණය කළේ ය.
CGTN ඉංග්‍රීසි නාලිකාවේ සහ එහි සියලුම සමාජ මාධ්‍ය වේදිකාවල විසුරුවා හැරුණු මෙම සාකච්ඡාවන් සඳහා කෙන්යාව , ඊජීප්තුව , පාකිස්ථානය , පිලිපීනය ඇතුළු එක් තීරයක් එක් මාවතක් චීන වැඩපිලිවෙළ සමග අත්වැල්
බැදගෙන ඇති රටවල් 20 කට අධික සංඛ්‍යාවක් සිය අවධානය යොමුකර තිබේ. මීට අමතරව ඇමරිකාව , බ්‍රසීලය , එක්සත් රාජධානිය , මැලේසියාව , ඉන්දියාව සහ වෙනත් බොහෝ රටවල මාධ්‍ය නියෝජිතයින් මීට සම්බන්ධ වී සිටියා.
සංවර්ධනාත්මක කාර්යයන් බොහෝමයක් අතරින් මෙරටට සරිලන සංවර්ධන මාවතට අදාල විභවතායන් හදුනාගැනීමට මෙවැනි සාකච්ඡාවන් හි පවතින ධනාත්මක තා විමර්ශනය කිරීම වටිනා කටයුත්තකි.

ෂේල්ටන් ඉන්දික බණ්ඩාර
ප්‍රවෘත්ති නිලධාරි