දෙසැම්බර් 08, 2019
tami eng youtube  twitter facebook

    නිල කාලය අවසන් වූ පළාත් සභාවල ඉදිරි කටයුතු සඳහා ජනපතිගෙන් උපදෙස්

    ඔක්තෝබර් 17, 2017

    නිල කාලය අවසන් වුව ද පළාත් සභා මගින් කෙරෙන මහජන සේවාවන් සහ දෛනික කටයුතු බාධාවකින් තොරව අඛණ්ඩව සිදුකරන ලෙස ජනාධිපති පළාත් ප‍්‍රධාන ලේකම්වරුන්ට උපදෙස් දෙයි.

    නිල කාලය අවසන් වූ පළාත් සභාවල ඉදිරි කටයුතු විමසා බැලෙන සාකච්ඡාවක් ජනාධිපති මෛත්‍රීපාල සිරිසේන මහතාගේ ප‍්‍රධානත්වයෙන් පසුගියදා ජනාධිපති කාර්යාලයේ දී පැවැත්වුණු අතර එහිදී ජනාධිපතිතුමා මෙම උපදෙස් ලබා දුන්නේය.

     

    මේ වන විට නිල කාලය අවසන් වූ උතුරුමැද, සබරගමු සහ නැගෙනහිර යන පළාත්වල පළාත් සභා කටයුතු සිදුකිරීමේදී මතුව තිබෙන ගැටලු පිළිබඳව මෙහිදී ජනාධිපති නිලධාරින්ගෙන් කරුණු විමසීය.

     

    එමෙන්ම පළාත් සභා වෙත පැවරී ඇති කටයුතු වෙනත් ආයතනවලට පාලනය කිරීමට ඉඩ නොතැබීමට වගබලා ගැනීමේ අවශ්‍යතාවය ද ජනාධිපති නිලධාරින්ට පෙන්වා දුන් අතර පළාත් සභාවලට වෙන්කර ඇති මුදල් ප‍්‍රතිපාදන ඵලදායී ලෙස වැය කළ යුතු ආකාරය පිළිබඳව ද උපදෙස් ලබා දෙන ලදී.

     

    අදාළ පළාත් තුළ දේශීය සහ විදේශීය අරමුදල් යොදවමින් සිදුකෙරෙන සංවර්ධන ව්‍යාපෘති කෙරෙහි ද විශේෂ අවධානයකින් කටයුතු කරන ලෙසත්, එම ව්‍යාපෘති කාර්යක්ෂමව ඉදිරියට පවත්වාගෙන යන ලෙසත් උපදෙස් දුන් ජනාධිපති එම සියලු කටයුතු පළාත් ආණ්ඩුකාරවරයාගේ උපදෙස් මත සිදුකරන ලෙසට ද උපදෙස් දෙනු ලැබීය.

     

    මේ අවස්ථාවට අමාත්‍ය ෆයිසර් මුස්තාෆා මහතා ද පළාත් ආණ්ඩුකාරවරුන් ද, ජනාධිපති ලේකම් ඔස්ටින් ප‍්‍රනාන්දු මහතා ඇතුළු පිරිසක් එක්ව සිටියහ.

    නවතම පුවත්

    dgi log front

    electionR2sin

    recu

    Desathiya