උතුරු නැගෙනහිර පළාත්වල ක්රියාත්මක කිරීමට යෝජිත ඒකාබද්ධ ප්රාදේශීය සංවර්ධන වැඩසටහන වෙනුවෙන් ඇමරිකානු ඩොලර් මිලියන 100ක් යොදා ගැනීමට සැලසුම් කර ඇත.
එම වැඩසටහනේ පළමු අදියර යටතේ උතුරු සහ නැගෙනහිර පළාත්වල තෝරා ගත් ප්රාදේශීයන්හි කලාපීය නිෂ්පාදන විභවයන් ( සංචාරක , ධීවර ආදී ) ඉහළ නැංවීම , රැකියා බිහි කිරීම හෝ පවතින රැකියා අවස්ථා වැඩි දියුණු කිරීම, ව්යවසායයන් සඳහා සහය වීම , පෞද්ගලික ප්රාග්ධනය ආකර්ෂණය කර ගැනීම සහ ආයතනික සවිබල ගැන්වීම පිණිස යටිතල පහසුකම් වැඩි දියුණු කිරීම සඳහා අවධානයක් යොමු කරන ව්යාපෘති ක්රියාත්මක කිරීමට අපේක්ෂා කෙරේ.
ඒ අනුව විදේශ සම්පත් දෙපාර්තමේන්තුව විසින් ලෝක බැංකුව සමඟ සාකච්ඡා සම්මුති පැවැත්වීමටත් , යෝජිත ව්යාපෘතිය ක්රියාත්මක කිරීමට අදාළව සිය අමාත්යාංශය විසින් අනෙකුත් මූලික පියවර ගැනීමටත් , ප්රවාහන , මහාමාර්ග සහ නාගරික සංවර්ධන අමාත්යතුමා ඉදිරිපත් කල යෝජනාව අමාත්ය මණ්ඩලය විසින් අනුමත කරන ලදි.
2026 සිට 2031 දක්වා වසර 06ක කාලසීමාව සඳහා ලෝක බැංකු සමූහයේ ජාත්යන්තර සංවර්ධන සමායතනය යටතේ ඇමරිකානු ඩොලර් මිලියන 1000ක මූල්ය ප්රතිපාදන මෙරටට ලබා දීමට නියමිතය .
