ලෝක සංචාරක දිනය අදට (27) යෙදී තිබේ.මෙවර එහි තේමාව වන්නේ “සංචාරක කර්මාන්තය සහ තිරසාර පරිවර්තනයයි“.ලෝක සංචාරක සංවිධානය (UNWTO) 1979 සැප්තැම්බර් මාසයේදී මෙම දිනය නම් කරන ලද අතර, එය සැමරීම 1980 දී ආරම්භ විය.
සංචාරක කර්මාන්තය තිරසාර සංවර්ධන අරමුණු සාර්ථක කරගැනීමට වැදගත් වේ. එය රැකියා අවස්ථා නිර්මාණය , දුප්පත්කම අඩු කිරීම, සංස්කෘතික හුවමාරු කිරීම් සහ ආර්ථික වර්ධනය ගොඩනගා ගැනීමට උපකාරී වේ.
1997 ඔක්තෝම්බර් මාසයේදී තුර්කියේ ඉස්තාන්බුල්හි පැවති දොළොස්වන සැසියේදී, ලෝක සංචාරක දිනය සැමරීමේදී සංවිධානයේ හවුල්කරු ලෙස කටයුතු කිරීම සඳහා සෑම වසරකම සත්කාරක රටක් නම් කිරීමට UNWTO මහා මණ්ඩලය තීරණය කර තිබේ.
ඒ අනුව මෙවර සංචාරක දිනය සැමරීමේ නිල සත්කාරකත්වය හිමිව ඇත්තේ මැලේසියාවට වේ.
