ශ්‍රී ලංකා යුද්ධ හමුදාවේ අභිනව හමුදාපති ලුතිනන් ජෙනරල් ලසන්ත රොද්‍රිගෝ මහතා ඊයේ (16) පෙරවරුවේ අග්‍රාමාත්‍ය කාර්යාලයේ දී අග්‍රාමාත්‍ය ආචාර්ය හරිනි අමරසූරිය හමුවිය.
යුද හමුදාපති වශයෙන් පත්වීම් ලැබීමෙන් පසු ලුතිනන් ජෙනරල් ලසන්ත රොද්‍රිගෝ සහ අග්‍රාමාත්‍යවරිය අතර සිදු වූ පළමු නිල හමුව මෙය වන අතර නව හමුදාපති ලෙස පත්වීම පිළිබඳ ලුතිනන් ජෙනරල් ලසන්ත රොද්‍රිගෝ මහතා වෙත අග්‍රාමාත්‍යවරිය සිය සුභාශිංසන පළ කළාය.
26 වැනි නාවික හමුදාපතිවරයා ලෙස පත්වීමෙන් පසු වයිස් අද්මිරාල් කාංචන බානගොඩ හා අග්‍රාමාත්‍යවරිය අතර සිදු වූ පළමු නිල හමුවද අද (16) අග්‍රාමාත්‍ය කාර්යාලයේදී සිදුවිය. අභිනව නාවික හමුදාපති ලෙස පත්වීම පිළිබදව වයිස් අද්මිරාල් කාංචන බානගොඩ මහතා වෙත අග්‍රාමාත්‍යවරිය සිය සුභාශිංසන මෙහිදී පළ කළාය.
