දිවයිනේ ප්‍රදේශ කීපයක සිදු වූ වාර්ගික ගටුම් පිළිබඳව වගකීමෙන් යුතුව වාර්තාකරණයේ යෙදුනු සියලුම විද්‍යුත් හා මුද්‍රිත මාධ්‍යයන්ගේ මාධ්‍යවේදීන්ට හා මාධ්‍ය ප්‍රධානීන්ට රජයේ ප්‍රවෘත්ති දෙපාර්තමේන්තුවේ ප්‍රසංශාව හිමි වන බව රජයේ ප්‍රවෘත්ති අධ්‍යක්ෂ ජනරාල් නීතිඥ සුදර්ශන ගුණවර්ධන මහතා නිවේදනයක් නිකුත් කරමින් පවසයි.
නිකුත් කළ නිවේදනයේ මෙසේද සඳහන් වෙයි.
ජනවාර්ගික ගැටුම් පිළිබඳව වෛරී ප්‍රකාශ හෝ සංවේදී පුවත් වාර්තා කිරීමේ දී බොහොමයක් වර්තාකරුවන් වෘත්තීය ආචාරධර්මයන්ට අනුගත වෙමින් වාර්තාකරණය සිදු කර තිබේ. මෙවන් අවස්ථාවකදී ප්‍රජාතන්ත්‍රවාදී හා සාමකාමී සමාජයක් පවත්වාගෙන යාම සඳහා මාධ්‍ය ඉටුකරන භූමිකාවේ වැදගත්කම මෙම අවස්ථාවේදී අවධාරණය කරමි.
රජයේ නිල පුවත් වෙබ් අඩවිය පවත්වාගෙන යනු ලබන්නේ රජයේ ප්‍රවෘත්ති දෙපාර්තමේන්තුවේ නව මාධ්‍ය ඒකකය මගිනි. 1996 වර්ෂයේ මැද භාගයේ දී news.lk නමින් ආරම්භ කළ එය අන්තර්ජාලයට මුදාහරින ලද්දේ 1997 මාර්තු මස 01 දින දීය. එතැන් පටන් සිංහල, දෙමළ හා ඉංග්‍රීසි භාෂාවලින් පවත්වාගෙන යනු ලබයි.
+94 11 366 3040
