සාම්ප්‍රදායික වඩුවා , මේසන් බාස් හෝ පයිප්ප බාස් පිළිබඳ සමාජ මතය ඇතිතෙක් මේ ක්‍රියාවලියේ වෙනසක් ඇති නොවිම සාධාරණ යුගයක කළ යුත්තේ මෙම සමාජ මතය වෙනස් කර ඔවුන්ට ගෞරවණීය වෘත්තිකයන් වශයෙන් සමාජගතවිමට ඉඩ සලසා දිමය.

 

අති නවීන උපකරණ භාවිතයෙන් අති දැවැන්ත ගොඩනැගිලි ඉදිවෙමින් පවතින නමුත් මෙම  ක්ෂේත්‍රය තුළ අවශ්‍යතාවයට සරිලන නිපුණත්වයෙන් යුතු පරිපූර්ණ ශ්‍රම බලකායේ හිඟයක් පවතියි, නවීන උපකරණ පිටරටින් ආනයනය කළ හැකි වුවද නිපුණ ශ්‍රම බලකාය එසේ කළ නොහැක. මෙම ප්‍රශ්නයට පිළිතුරු සෙවීම සැමගේ වගකිමක් ද වේ. 

 

පෙදරේරු, වඩු කාර්මික සහ ජලනල කාර්මික වැනි ක්ෂේත්‍රයෙන් සඳහා වැඩි ශ්‍රම ඉල්ලුමක් දේශීය වශයෙන් පමණක් නොව විදේශීය ශ්‍රම වෙළෙඳපොළේ ද පවති. නමුත් අප නොදත් සත්‍ය වන්නේ විදේශයකදි මෙම වෘත්තීන්ට ලැබෙන වෘත්තීය වටිනාකම, ගරුත්වය හා ඒ අය ලබන අති විශාල වේතනය පිළිබඳ සත්‍ය තාවයි. දියුණ රටක මෙවැනි වෘත්තීන්ට ලැබෙන්නේ ඉතා ඉහළ වටිනාකමකි. එමෙන්න ඒ අය වෛද්‍ය හෝ එවැනි සමාජයේ ඉහල යැයි සම්මත වෘත්තිකයෙකු මෙන් දෙතුන් ගුණයක ආදායම් ලබා ගනි. එසේ විමට හේතුව නම් නිපුණ වෘත්තිකයන්ට ලෝකයේ පවතින දැඩි ඉල්ලුමයි.

 

අවාසනාවකට තවමත් රටක් ලෙස අප තුළ මෙම ආකල්පය වෙනස් වී නැත. විවිධ සමාජ ආකල්ප නිසා එහි ක්ෂේත්‍ර  සඳහා  යොමුවන තරුණ පිරිස අඩු මට්ටමක පවති. තවද මෙම ක්ෂේත්‍රවල රැකියා ගත වීම තුළින් ඉහල ආදායම් තත්ත්වයක්ද  අත්කර ගැනීමේ හැකියාව පවතී. එහෙයින් තරුණ තරුණියන් වැඩි වශයෙන් මේ සඳහා යොමුකර අනාගතයට ගැළපෙන නිපුණ ශ්‍රම බලකාය සූදානම් කිරීමේ උදාරතර අරමුණ ඇතිව වෘත්තීය පුහුණු පාඨමාලාවක් හඳුන්වාදීමට ශ්‍රී ලංකා වෘත්තීය පුහුණු අධිකාරිය  සුදානමින් සිටී. මේ සඳහා නියමු ව්‍යාපෘතියක් ක්‍රියාත්මක කිරීමට මේ වන විටත් සියලු කටයුතු සූදානම් කර ඇති අතර එම පාඨමාලාවන් එළැඹෙන 2018 ජනවාරි මාසයේ සිට ආරම්භ වීමට නියමිතය. නියමු ව්‍යාපෘතියක් වශයෙන් පෙදරේරු වඩු කාර්මික සහ ජලනල කාර්මික යන ක්ෂේත්‍ර 3 සඳහා කොළඹ, කළුතර සහ ගම්පහ යන දිස්ත්‍රික්කවලදී මෙම පුහුණු පාඨමාලාවන් පැවැත්වීමට කටයුතු යොදා ඇති අතර පුහුණු කාල සීමාව දින 120ක් වේ. ආරම්භක දින සිට ආධුනික ආධුනිකාවන් සඳහා දින 7 ක නේවාසික දැනුවත් කිරීමේ වැඩසටහනක් ගම්පහ නැදුන්ගොල්ල  වෘත්තීය පුහුණු මධ්‍යස්ථානයේදී  පැවැත්වෙන අතර ඉන්පසුව අදාල මධ්‍යස්ථායේදී පාඨමාලා ආරම්භ කිරීමට කටයුතු යොදා ඇත.

 

මෙම පාඨමාලාවන් හැදෑරීම සඳහා 9වන වසර සමත්වීම ප්‍රමාණවත් වන අතර ම වයස අවුරුදු 18ත් 30ත් අතර තරුණ තරුණියන්ට මේ සඳහා අයඳුම්කළ හැකි අතර දින 120ක කාල සීමාවෙන් අනතුරුව ජාතික වෘත්තීය සුදුසුකම් (NVQ) 3 මට්ටමේ සහතිකයක් ද පිරිනැමෙනු ඇත. 

 

මේ පාඨමාලාවන් සඳහා සහභාගීවන සියලු ම වඩු  ශිල්පි, පෙද‍රේරු හා  ජලනල කාර්මික  ශිල්පීන් හට පුහුණු උපකරණ,  නිල ඇඳුම් මෙන්ම ක්ෂේත්‍රයේ රැකියාව  කිරීමේදී  අවශ්‍ය වන ආරක්ෂක ඇදුම් කට්ටල හා වැඩ කට්ටල නොමිලේ ලබා දෙන අතර මෙම දින 120 ක කාලය සාර්ථකව නිමා කරන්නන් හට රුපියල් 60,000ක (රුපියල් හැට දහසක ) දීමනාවක්ද සපයනු ලැබේ. 

 

තත්වයෙන්  උසස් නවීන තාක්ෂණයෙන් යුතු පුහුණු පාඨමාලාවක්  ඔබවෙත ලබාදෙමින් ඒ ඔස්සේ  ඉදිකිරිම් ක්ෂේත්‍රෙයේ විප්ලවයක් සිදු කළ හැකි වෘත්තිකයකු බිහි කිරිමේ ක්‍රියාවලියට කටයුතු සූදානම් කර ඇති මෙවන් අනගි අවස්ථාව අත් නොහැර මින් උපරිම ඵල නෙලා ගැනිමට මෙම ක්ෂේත්‍රයට කැමැත්ත ඇති  තරුණ කණ්ඩායම් සඳහා ශ්‍රී ලංකා වෘත්තීය පුහුණු අධිකාරිය ඔවුන් හා අත්වැල් බැඳගන්නා ලෙස ඉල්ලා සිටී. අනාගතය සුරක්ෂිත හා වඩා ඉසුරැමත් කිරීම VTA අරමුණයි.

 

මේ පිළිබඳ ව වැඩිදුර තොරතුරු පහත සඳහන් ස්ථාන වෙතින් ලබාගත හැකිය.

 

 

සහකාර අධ්‍යක්ෂ ශ්‍රී ලංකා වෘත්තීය පුහුණු අධිකාරිය

කොළඹ දිස්ත්‍රික් කාර්යාලය

මහාමේඝවත්ත

මහරගම

0112 844 151

 

 

සහකාර අධ්‍යක්ෂ 

ගම්පහ දිස්ත්‍රික් කාර්යාලය

ශ්‍රී ලංකා වෘත්තීය පුහුණු අධිකාරිය

බණ්ඩාරනායක මාවත

වේයන්ගොඩ

0332 294 790

 

 

නියෝජ්‍ය අධ්‍යක්ෂ

ශ්‍රී ලංකා වෘත්තීය පුහුණු අධිකාරිය

දිස්ත්‍රික් කාර්යාලය

වෑවල

හොරණ

0342 263 698