මාර්තු 28, 2024
tami eng youtube  twitter facebook

    sinhala

    ශ්‍රී ලංකා වොලිබෝල් සම්මේලනයේ 17 වන සභාපතිවරයා කංචන ජයරත්න

    අප්‍රේල් 04, 2021

    මෙරට ජාතික ක්‍රීඩාව වන වොලිබෝල් ක්‍රීඩාව නඟා සිටුවීමටත්, ඒ පිළිබඳව රට තුළ ආකර්ශනයක් ගොඩනැගීමටත් ශ්‍රී ලංකා වොලිබෝල් සම්මේලනයේ ඡ්‍යෙෂ්ඨ උප සභාපති වරයා ලෙස සුවිශාල මෙහෙයක් ඉටුකළ කංචන ජයරත්න මහතා අද දින (04) ශ්‍රී ලංකා වොලිබෝල් සම්මේලනයේ සභාපතිවරයා ලෙස නිතරඟයෙන් තේරී පත්විය.

    මීට ඉහත සභාපතිධූරයේ කටයුතු කරන ලද්දේ නියෝජ්‍ය කථානායක රංජිත් සියඹලාපිටිය මහතායි.

    ශ්‍රී ලංකා වොලිබෝල් සම්මේලනයේ 17 වැනි සභාපතිවරයා ඇතුළු නිලධාරී මණ්ඩලය තෝරා ගන්නා නිලවරණය අද දින (04) පෙරවරුවේ ක්‍රීඩා අමාත්‍යාංශයේ “ඩන්කන්වයිට්” ශ්‍රවණාගාරයේ දී පැවැත්විනි. රංජිත් සියඹලාපිටිය මහතා නිලවරණය සදහා කෑගල්ල වොලිබෝල් සංගමයෙන් නාමයෝජනා ඉදිරිපත් කොට තිබූ අතර, කංචන ජයරත්න මහතා ඇහැලියගොඩ වොලිබෝල් සංගමයෙන් නාමයෝජනා ඉදිරිපත් කොට තිබුනි.

    ශ්‍රී ලංකා වොලිබෝල් සම්මේලනයේ හිටපු සභාපති නියෝජ්‍ය කථානායක රංජිත් සියඹලිපිටිය මහතා තම නාම යොජනා පත්‍රය ඉල්ලා අස්කර ගැනීම හේතුවෙන් කංචන ජයරත්න මහතා ශ්‍රී ලංකා වොලිබෝල් සම්මේලනයේ 17 වන නව සභාපතිවරයා ලෙස නිතරඟයෙන් තේරී පත් විය.

    මෙරට ජාතික ක්‍රීඩාව වන වොලිබෝල් ක්‍රීඩාව ලෝකයේ රටවල් 221 ක් ක්‍රීඩා කරන ප්‍රධාන පෙළේ ක්‍රීඩාවක් වන අතර, කුඩා කළ සිටම ක්‍රීඩාවෙන් දස්කම් පෙන්වා ඇති කංචන ජයරත්න මහතා දක්ෂ වොලිබෝල් ක්‍රිඩකයෙකු ද වේ. කංචන ජයරත්න මහතා වෙන්නප්පුව ඡෝශප් වාස් විද්‍යාලීය කණ්ඩායම නියෝජනය කළ අති දක්ෂ ක්‍රීඩකයෙකි. පාසල් අවධියේ දී වොලිබෝල්, ක්‍රිකට්, පාපන්දු, මළල ක්‍රීඩා, හා බේස්බෝල් යන ක්‍රීඩා රැසක නිරත වෙමින් සමස්ථ ලංකා, ජාතික ජයග්‍රහනයන් ලබා ඇති කණ්ඩායම් නියෝජනය කල ක්‍රිඩකයෙකු ද වේ. එමෙන්ම ටයිකොන්ඩෝ සහ කුන්ෆු ආත්මාරක්ෂක ක්‍රීඩාවන්හි ද පුහුණුව ලබා සිටින කංචන මහතා එම ක්‍රීඩාවන්හි ජාතික ශූරතා තරඟ වලට සහභාගී වී ජයග්‍රහණ ලබා ඇත.

    කංචන ජයරත්න මහතා ශ්‍රී ලංකා වොලිබෝල් සම්මේලනයේ උප සභාපතිවරයා ලෙස 2009 වසරේ දී පත්විය. එතැන් සිට මේ දක්වා වසර 12 ක් ශ්‍රී ලංකා වොලිබෝල් සම්මේලනයේ ඡ්‍යෙෂ්ඨ උප සභාපතිවරයා ලෙසත්, තරඟ කමිටු සභාපතිවරයා ලෙසත්, පුහුණුකරුවන් තේරීමේ කමිටුවේ සභාපතිවරයා ලෙසත් කටයුතු කර ඇත. මේ වන විට ශ්‍රී ලංකා ටයිකොන්ඩෝ සංගමයේ සභාපතිධූරය, රත්නපුර දිස්ත්‍රික් වොලිබෝල් සංගමයේ සභාපතිධූරය, රත්නපුර දිස්ත්‍රික් පාපන්දු සංගමයේ සභාපතිධූරය, රත්නපුර දිස්ත්‍රික් ක්‍රිකට් සංගමයේ සභාපතිධූරය සහ රත්නපුර ටයිකොන්ඩෝ සංගමයේ සභාපතිධූරය හොඹවන කංචන ජයරත්න මහතා ක්‍රීඩා ක්ෂේත්‍රයේ උන්නතිය උදෙසා කැපවී කටයුතු කරනු ලබයි.

    ශ්‍රී ලංකා වොලිබෝල් සම්මේලනයේ සභාපතිවරයා ලෙස ඉදිරියේ දී වොලිබෝල් ක්‍රීඩාව ශක්තිමත් කරමින් ක්‍රීඩාවෙන් ජාතික හා ජාත්‍යන්තර මට්ටමේ ජයග්‍රහණ අත්කර ගැනීම අරමුණු කොටගෙන තමා කටයුතු කරන බවත්, ඒ සදහා තම උපරිම දායකත්වය නව සභාපතිවරයා ලෙස ලබාදෙන බව ද කංචන ජයරත්න මහතා මෙහිදී පැවැසීය.

     

     

     

    340x250

    නවතම පුවත්

    dgi log front

    electionR2sin

    recu

    Desathiya