නොවැම්බර් 16, 2024
දේශපාලන මෙහෙයවීමෙන් තොරව පුත්තලම දිස්ත්‍රික්කය එල්ලේ ක්‍රීඩාවෙන් ජයග්‍රහණ අත් කරගෙන තියෙනවා
අගෝස්තු 22, 2014
එල්ලේ ක්‍රීඩාවට පුත්තලම් දිස්ත්‍රික්කයේ පිරිමි රන් පදක්කම අරගෙන තියනවා. කාන්තා රිදී පදක්කම අරගෙන තියනවා. දේශපාලන නායකත්වයෙන් තොරව ඒ ජයග්‍රහණ ලබාගත් බව වයඹ පළාත් ප්‍රධාන අමාත්‍ය දයාසිරි ජයසේකර මහතා පැවසීය.
එහිදී වැඩිදුරටත් අදහස් දැක්වූ අමාත්‍යවරයා, “අද දවසේ අපි විශේෂ කාර්යයක් විදියට වයඹ පළාතේ එල්ලේ සංගමය පිහිටුවනවා. මේ සංගමය පළාත් මට්ටමින් පිහිටුවන්න යෝෂිත රාජපක්ෂ මහතා අපට ආරාධනා කළා. ඒ වෙනුවෙන් ක්‍රීඩා ලේකම්වරයාත්, සන්ධ්‍ය කුමාර අමාත්‍යවරයාත්, අපිට විශාල ශක්තියක් දෙනවා. අනාගතයේ විශාල වැඩකොටසක් කරන්න කටයුතු කරනවා. ක්‍රීඩා සංගම්වලට දේශපාලන නායකත්වය දෙන එක ගැන අපි කතාකරා. මට තනතුරු ගන්න උවමනාවක් නෑ. වැඩ කරන්නයි ඕනේ. දේශපාලන අධිකාරිය විදියට අපිට පුළුවන් අවශ්‍ය උපකරණ අරන් දීලා තමුන්නාන්සේලා එක්ක ඉදිරියට ගිහින් ඒ වෙනුවෙන් ශක්තිය දෙන්න. මමත් කුඩා කාලයේ එල්ලේ ක්‍රීඩා කරා. අවුරුදු ක්‍රීඩාවක් ලෙසත් එල්ලේ ක්‍රීඩාව ප්‍රචලිතයි. එල්ලේ ගැන කතා කරන කොට වල්ටි රේමන් වැනි අමතක නොවන චරිත අපිට මතක් වෙනවා. එදා රටක් වශයෙන් ජාත්‍යන්තරේ අපි ජනප්‍රිය නැති වුණාට රට ඇතුළේ එල්ලේ ක්‍රීඩාවෙන් අපි ජනප්‍රිය වුණා. ඒ වගේම ක්‍රීඩාවේ නව නැම්මක් ඇති කරන්න අපි කටයුතු කරනවා.
මෙහිදී ශ්‍රී ලංකා එල්ලේ සංගමයේ ලේකම් සිරිපාල රණසිංහ මහතා ද අදහස් දැක්විය.
ECB/DM_cmu
නවතම පුවත්
රජයේ නිල පුවත් වෙබ් අඩවිය පවත්වාගෙන යනු ලබන්නේ රජයේ ප්‍රවෘත්ති දෙපාර්තමේන්තුවේ නව මාධ්‍ය ඒකකය මගිනි. 1996 වර්ෂයේ මැද භාගයේ දී news.lk නමින් ආරම්භ කළ එය අන්තර්ජාලයට මුදාහරින ලද්දේ 1997 මාර්තු මස 01 දින දීය. එතැන් පටන් සිංහල, දෙමළ හා ඉංග්‍රීසි භාෂාවලින් පවත්වාගෙන යනු ලබයි.
+94 11 366 3040
