පන්දු වාර දොළහකට (12) සීමා වූ මෙම තරගයේ ප‍්‍රථමයෙන් පන්දුවට පහර දුන් ඩලස් අලහප්පෙරුම අමාත්‍යතුමාගේ කණ්ඩායම සිය පන්දු වාර දොළහ (12) අවසානයේ සියලු දෙනා දැවී ලකුණු 104 ක් ලබා ගත් අතර එයට පිළිතුරු වශයෙන් තරුණ නායකයන්ගේ කණ්ඩායම පන්දු වාර 10.1 ක් තුළ කඩුළු හතක් (7) ක් දැවී ලකුණු 105ක් ලබා සිය ජයග‍්‍රහණය තහවුරු කළහ.
කාසියේ වාසිය දිනූ තරුණ නායකයන්ගේ කණ්ඩායමේ නායක ජයරංග ප‍්‍රථමයෙන් පන්දුවට පහර දීමට ඩලස් අලහප්පෙරුම අමාත්‍යතුමාගේ කණ්ඩායමට ආරාධනා කළේය.
ඩලස් අලහප්පෙරුම අමාත්‍යතුමාගේ කණ්ඩායම, පාර්ලිමේන්තු මන්තී‍්‍රවරුන් වන ශෙහාන් සේමසිංහ, එරික් ප‍්‍රසන්න වීරවර්ධන, උතුරු මැද පළාත් ප‍්‍රධාන අමාත්‍ය එස්.එම්. රංජිත් සමරකෝන්, ජාතික තරුණ සේවා සභාවේ සභාපති ලලිත් පියුම් පෙරේරා මහත්වරුන් ඇතුළු පිරිසකගෙන් සමන්විත වූ අතර තරුණ නායකයන්ගේ කණ්ඩායම, යාපනය සහ හම්බන්තොට දිස්ති‍්‍රක්කයන්හි යෞවන සමාජ සාමාජිකයන්ගෙන් සමන්විත විය.
DB
