ඒ අනුව, නාවික හමුදා කාන්තා ජුඩෝ කණ්ඩායම රන් පදක්කම් 10 ක්, රිදි පදක්කම් 01 ක් සහ ලෝකඩ පදක්කම් 01 ක් හිමිකර ගනිමින් සමස්ථ තරඟාවලියේ කාන්තා ශුරතාවය හිමිකර ගන්නා ලදි. තවද, නාවික හමුදා පිරිමි ජුඩෝ කණ්ඩායම රන් පදක්කම් 01 ක්, රිදි පදක්කම් 01 ක් සහ ලෝකඩ පදක්කම් 10 ක් දිනා ගනිමින් සමස්ථ පිරිමි තරගාවලියේ 03 වන ස්ථානය හිමිකර ගැනීමට සමත් වන ලදී.
තරඟාවලියේ ත්‍යාග ප්‍රදානෝත්සව අවස්ථාව සඳහා නාවික හමුදා ජුඩෝ සංචිතයේ සභාපති, කපිතාන් අසංග රතුගමගේ සහ නාවික හමුදා ක්‍රීඩක ක්‍රීඩිකාවන් ඇතුළු ක්‍රීඩා ලෝලීන් විශාල පිරිසක් සහභාගී වී සිටියහ.
