රික්ටර් මාපක 6.8ක ප්‍රබල භූකම්පනයක් ලෙස වාර්තා වූ එය ෆුකුෂිමා වෙරළට ඔබ්බෙන් කි.මී. 10ක් ගැඹුරු මුහුදු පතුලේ සිදු වී තිබෙන බව පැවසේ.
ඒ සමඟම සුනාමි අනතුරු ඇඟවීම් නිකුත් කර ඇති අතර ඉතා සුලු සුනාමි තත්ත්වයක් ඇති වී තිබේ. සෙ.මී. 20ක පමණ කුඩා සුනාමි රළ පහරක් ඉෂිනොමාකි, අයුකාවා සහ ඔෆුනාටෝ වෙරළාසන්න ප්‍රදේශවලට භූකම්පනයෙන් විනාඩි 50කට පමණ පසුව ගලාගෙන විත් තිබේ. මෙම භූකම්පනය නිසා ෆුකුෂිමාහි වයස 68ක පමණ කාන්තාවක් පඩිපෙළකින් වැටීමෙන් පාදයක බිඳීයාමක් සිදුව ඇතැයි දැනට වාර්තා වේ.
අද අලුයම 4.22ට පමණ එය සිදු ව ඇති අතර එහි සිට කි.මී. 250ක් දුරින් පිහිටි ටෝකියෝ නුවර ගොඩනැගිලිවලට පවා දැනී ඇත.
HC
