මොනරාගල දිස්ත්‍රික්කයේ දිස්ත්‍රික් ලේකම්/ දිසාපති ලෙස ඩී.එස්. පත්මකුලසූරිය මහත්මිය පත් කර ඇත. මොනරාගල දිස්ත්‍රික්කයේ දිස්ත්‍රික් ලේකම් ලෙස කටයුතු කළ ඒ. පතිනාදන් මහතා උතුරු පළාත් ප්‍රධාන ලේකම් තනතුරට පත් කිරීම හේතුවෙන් පුරප්පාඩු වූ එම තනතුරට පත්මකුලසූරිය මහත්මිය පත්කිරීම අමාත්‍ය මණ්ඩලය විසින් අනුමත කර තිබේ.
දකුණු පළාත් ධීවර, සත්ත්ව නිෂ්පාදන හා සංවර්ධන අමාත්‍යාංශයේ ලේකම් ලෙස කටයුතු කළ පත්මකුලසූරිය මහත්මිය ශ්‍රී ලංකා පරිපාලන සේවයේ ජ්‍යෙෂ්ඨ නිලධාරිනියකි. 2003 ශ්‍රී ලංකා පරිපාලන සේවයේ I පන්තියට උසස්වීම් ලබා ඇති ඒ මහත්මිය 2007 සිට ශ්‍රී ලංකා පරිපාලන සේවයේ විශේෂ ශ්‍රේණියට ද උසස්වීම් ලබා ඇත.
NDH
රජයේ නිල පුවත් වෙබ් අඩවිය පවත්වාගෙන යනු ලබන්නේ රජයේ ප්‍රවෘත්ති දෙපාර්තමේන්තුවේ නව මාධ්‍ය ඒකකය මගිනි. 1996 වර්ෂයේ මැද භාගයේ දී news.lk නමින් ආරම්භ කළ එය අන්තර්ජාලයට මුදාහරින ලද්දේ 1997 මාර්තු මස 01 දින දීය. එතැන් පටන් සිංහල, දෙමළ හා ඉංග්‍රීසි භාෂාවලින් පවත්වාගෙන යනු ලබයි.
+94 11 366 3040
