ඒ මහතා මේ බව ප්‍රකාශ කළේ අද (29) පාර්ලිමේන්තුවේ දී ය.
"මිලියන 1.3කට වැඩි ස්ථීර රාජ්‍ය සේවකයන් ජනවාරි මාසයේ වැටුපට රුපියල් 3000ක් අතිරේක දීමනාවක් ලෙස ලබා ගත්තා. එම රජයේ සේවකයන්ගේ පෙබරවාරි මස වැටුපට තවත් රුපියල් 5000ක් එකතු වනවා. එමෙන් ම ඉතිරිය ජුනි මාසයේ දී ලබා දීමට කටයුතු කරනවා. ඒ අනුව අප ඉදිරිපත් කළ පොරොන්දුව ඒ ආකාරයෙන් ම ඉටු කරනවා".
ශ්‍රී ලංකාවේ රාජ්‍ය සේවකයන්ට ලබාදුන් විශාලතම වැටුප් වැඩිවීම ලෙස වාර්තාගත වනු ඇති බවත් රටේ පාරිපාලනය මෙහෙයවන රාජ්‍ය සේවකයන් වෙනුවෙන් මෙවැනි වැටුප් වැඩිකිරීමක් ලබාදීමට හැකිවීම සතුටක් බවත් ඒ මහතා පැවසීය.
මීට අමතර ව පෞද්ගලික අංශයේ සේවකයන්ගේ ද වැටුප රුපියල් 2500කින් වැඩිකිරීමට සලකා බලන ලෙස ද අමාත්‍යවරයා මෙහිදී පෞද්ගලික අංශයෙන් ඉල්ලා සිටියේය.
2015 අප්‍රේල් මාසයේ සිට රුපියල් 1000කින් විශ්‍රාම වැටුප ද වැඩිකිරීමට කටයුතු කෙරෙන අතරම මෙම ප්‍රතිලාභය 550,000ක් වන විශ්‍රාමිකයන් පිරිසකට හිමි වේ. මෙම යෝජනාව ක්‍රියාත්මක කිරීම සඳහා රුපියල් මිලියන 4900ක් අතිරේක වශයෙන් වැය වේ.
DB
