දැදුරු ඔය ජලාශය තුළ මිරිදිය ධීවර කර්මාන්තය ඇරඹීමට කටයුතු කරන බව කුරුණෑගල ජලජීවී වගා ව්‍යාප්ති නිලධාරී ඩබ්ලිව්.සී.ජයවීර මහතා පසුගියදා කුරුණෑගල දිස්ත්‍රික් ලේකම් එච්.එම.පී. හිටිසේකර මහතාගේ ප්‍රධානත්වයෙන් කුරුණෑගල දිස්ත්‍රික් ලේකම් කාර්යාලයේ පැවති දිස්ත්‍රික් කෘෂිකර්ම කමිටුවේදී ප්‍රකාශ කළේය.
මෙම ධීවර කටයුතු සඳහා වාරියපොල, ගනේවත්ත සහ මහව යන ප්‍රාදේශීය ලේකම් කොට්ඨාශ වලින් ධීවරයින් 75 දෙනෙකු බැගින් තෝරාගෙන ධීවර සමිතියක් පිහිටුවා ධීවර කර්මාන්තය විධිමත්ව කරගෙන යාමට කටයුතු කෙරේ.
මේ සඳහා ධීවරයන් තෝරා ගැනීමේ දී අවතැන් වූ පිරිස් වලටත්, වැලිගොඩ දැමීම වැනි ස්වයං රැකියා අහිමි වූ පිරිස් වලටත් ප්‍රමුකත්වය ලබා දීමට නියමිතය.
MAP/AK_dmu_kurunegala
රජයේ නිල පුවත් වෙබ් අඩවිය පවත්වාගෙන යනු ලබන්නේ රජයේ ප්‍රවෘත්ති දෙපාර්තමේන්තුවේ නව මාධ්‍ය ඒකකය මගිනි. 1996 වර්ෂයේ මැද භාගයේ දී news.lk නමින් ආරම්භ කළ එය අන්තර්ජාලයට මුදාහරින ලද්දේ 1997 මාර්තු මස 01 දින දීය. එතැන් පටන් සිංහල, දෙමළ හා ඉංග්‍රීසි භාෂාවලින් පවත්වාගෙන යනු ලබයි.
+94 11 366 3040
