බෙල්ලන්විල ප්‍රදේශයේ ඇති ජලාශයක මාළු මැරෙමින් පවතින බවත් එය හමුදාසාමාජිකයින් විසින් සිදු කරන ලද කාර්යයක ප්‍රතිපලයක් බවට ඇතමුන් විසින් ප්‍රචාරය කර ඇති බවත් ඊයේ පැවසූ ආරක්ෂක අමාත්‍යාංශයේ මාධ්‍ය කේනද්‍රයේ අධ්‍යක්ෂ බ්‍රිගේඩියර් රුවන් වනිගසූරිය මහතා නාරා ආයතනය විසින් ඒපිළිබදව සම්පූර්ණ පරීක්ෂණයක් සිදු කරමින් සිටින බවත් පැවසීය.
ඒ මහතා මේ බව ප්‍රකාශ කළේ ආරක්ෂක අමාත්‍යාංශයේ මාධ්‍ය කේන්ද්‍රයේ දී ඊයේ ( 16) පැවති මාධ්‍යසාකච්ඡාවේදී ය.
නාරා ආයතනය පවසන පරිදි එකී ජලාශවලමාළු ගහණය වැඩිවීම හේතුවෙන් මාළු මැරෙමින් පවතින බවත් අනාවරණය කරගෙන ඇති බව පැවසූවනිගසූරිය මහතා එකී කරුණ සම්බන්ධයෙන් හමුදා අංශයන්හි කිසිදු බලපෑමක් ඇතිවී ඇති බවට ගෙනයන ප්‍රචාරයන් අසත්‍ය බවද මෙහිදී පවසා සිටියේය.
මෙම මාළුන් අහඹු ලෙස මැරී යාම පිළිබඳවවිද්‍යාත්මකව සොයා බලා ඒ පිළිබදව අවශ්‍ය පිළියම් යෙදීම සදහා මේ වන විටදපරීක්ෂණ සිදුවෙමින් පවතී.
රජයේ නිල පුවත් වෙබ් අඩවිය පවත්වාගෙන යනු ලබන්නේ රජයේ ප්‍රවෘත්ති දෙපාර්තමේන්තුවේ නව මාධ්‍ය ඒකකය මගිනි. 1996 වර්ෂයේ මැද භාගයේ දී news.lk නමින් ආරම්භ කළ එය අන්තර්ජාලයට මුදාහරින ලද්දේ 1997 මාර්තු මස 01 දින දීය. එතැන් පටන් සිංහල, දෙමළ හා ඉංග්‍රීසි භාෂාවලින් පවත්වාගෙන යනු ලබයි.
+94 11 366 3040
