'මඟ සුමිතුරු' නමින් හඳුන්වා දී ඇති මේ රක්ෂාවරණය සඳහා ජාතික ගමනාගමන කොමිෂන් සභාවේ ලියාපදිංචි බස් රථ 3,200ක සියලු ම මගී ප්‍රවාහන රියැදුරන් හා කොන්දොස්තරවරු සුදුසුකම් ලබා සිටිති.

මේ යටතේ හදිසි අනතුරක් හේතුකොටගෙන රක්ෂිතයාගේ ජීවිතය අහිමිවීම, දෑස් සදහටම අන්ධවීම, රක්ෂිතයාගේ අත්දෙකම, පාද දෙකම හෝ එක් අතක්, පාදයක් අහිමි වුවහොත් මුළු රක්ෂිතාවරණයම ගෙවීමටත් ඉන් මෙහා අනතුරකදී අනතුරේ ප්‍රමාණය අනුව ගෙවීම් කිරීම ද සිදු කෙරේ. අසාධ්‍ය රෝග තත්ත්වයකදී වසරකට රුපියල් ලක්ෂ 2ක් දක්වා ආවරණයක්ද රෝහල් ගත වන (රජයේ) අවස්ථාවකදී දිනකට රුපියල් 1,000ක් බැගින් උපරිම දින 50ක් දක්වා ගෙවීමක්ද මේ යටතේ සිදු කෙරේ. මීට සමගාමීව ජාතික ගමනාගමන කොමිෂන් සභාවේ සේවක සේවිකාවන්ට හා ඔවුන්ගේ පවුලේ සාමාජිකයන්ට රුපියල් ලක්ෂ 2ක් වටිනා සෞඛ්‍ය රක්ෂණාවරණයක් ලබා දීමට සැලැසුම් කර ඇති බවද කොමිෂන් සභාව පවසයි.