එම දෙපාර්තමේන්තුව වෙත යොමු කර ඇති ඉල්ලුම්පත්‍ර සඳහා හැඳුනුම්පත් සකස් කර ඉල්ලුම්කරුවන් වෙත නිකුත් කිරීමේ කටයුතු මේ දිනවල සිදු කරනු ලැබුව ද මේ දක්වා හැඳුනුම්පත් ලබා ගැනීමට නොහැකි වූ ඉල්ලුම්කරුවන් සඳහා හැඳුනුම්පත් ලබා දීමේ අරමුණින් මේ විශේෂ එක් දින සේවාව ක්‍රියාත්මක කරනු ඇත.
ඒ අනුව නිසි ලෙස සම්පූර්ණ කරන ලද ඉල්ලුම්පත්‍රය ග්‍රාම නිලධාරී මඟින් සහතික කර ප්‍රාදේශීය ලේකම් අනු අත්සන් සහිතව මේ එක් දින සේවාව වෙත යොමු කළ හැකිය. මෙහිදී ඉල්ලුම්කරුගේ පැමිණීම අත්‍යවශ්‍ය වන අතර රුපියල් 500.00ක් වන රජයේ අනුමත ගාස්තුවක් පමණක් අය කරනු ඇත.
පුද්ගලයන් ලියාපදිංචි කිරීමේ දෙපාර්තමේන්තුව ජනාධිපතිවරණය ප්‍රකාශයට පත් කළ දින සිට මැතිවරණ කොමසාරිස්වරයාගේ මූලිකත්වයෙන් විශේෂ වැඩපිළිවෙළවල් රැසක් ක්‍රියාත්මක කළේය. ඒ අනුව තෝරා ගත් දිස්ත්‍රික්ක කිහිපයක හැඳුනුම්පත් නොමැති ජනතාව වෙත ගොස් හැඳුනුම්පත් ලබාදීමේ ජංගම සේවාවක් ද පැවැත්විණි. ප්‍රාදේශීය ලේකම් කාර්යාල මට්ටමින් ද ජංගම සේවා පවත්වා පුද්ගලයන් ලියාපදිංචි කිරීමේ දෙපාර්තමේන්තුව වෙත ඉල්ලුම්පත්‍ර ගෙන්වා ගැනීමට කටයුතු කළ බවත් මේ වන විට ඉදිරිපත් කර ඇති ඉල්ලුම්පත්‍ර පිළිබඳ විමසීම් කිරීමට දෙපාර්තමේන්තුව විවෘතව තැබෙන බවත් කොමසාරිස් ජනරාල්වරයා වැඩිදුරටත් ප්‍රකාශ කළේය.
NDH
