ලාංකේය පුරාවිද්‍යා උරුමයේ වැදගත්කම සහ පුරාවස්තු ආඥාපනත පිළිබඳ ව ග‍්‍රාමසේවා නිලධාරීන්, සමෘද්ධි නිලධාරීන් ඇතුළු ග‍්‍රාමීය මට්ටමින් භූමිය පිළිබඳ ව තීන්දු තීරණ ගනු ලබන රාජ්‍ය නිලධාරීන් සහ ස්වේච්ඡා සංවිධානවල නිලධාරීන් දැනුවත් කිරීම සඳහා වන සම්මන්ත්‍රණ මාලාවේ තවත් සම්මන්ත්රණයක් අද (24) තංගල්ල ප‍්‍රාදේශීය ලේකම් කාර්යාලයේදී පැවැත්වේ.
සංවර්ධනය හමුවේ අවදානමට ලක්වීමේ ඉඩක් ඇති පුරාවස්තු ආරක්ෂා කිරීම පිළිබඳ ව ජනතාව දැනුවත් කිරීමත් පුරාවස්තු ආරක්ෂා කිරීම පිළිබඳ ව ජනතාව දැනුවත් කිරීම සඳහා අදාළ නිලධාරීන් දැනුමින් සන්නද්ධ කිරීමත් මෙම වැඩසටහනේ අරමුණ වේ. 2015 වසරේ මාතර දී පැවැත්වෙන දැයට කිරුළ ප‍්‍රදර්ශනයට පූර්වගාමීව මෙම වැඩසටහන ක‍්‍රියාත්මක වෙයි.
පසුගිය 16 දින ඇරඹි මේ සම්මන්ත්‍රණය මාලාව ලබන 31 දින දක්වා දකුණු පළාතේ ප‍්‍රාදේශීය ලේකම් කාර්යාල ආවරණය වන පරිදි පැවැත්වීමට පුරාවිද්‍යා දෙපාර්තමේන්තුව කටයුතු යොදා ඇත.
NDH
රජයේ නිල පුවත් වෙබ් අඩවිය පවත්වාගෙන යනු ලබන්නේ රජයේ ප්‍රවෘත්ති දෙපාර්තමේන්තුවේ නව මාධ්‍ය ඒකකය මගිනි. 1996 වර්ෂයේ මැද භාගයේ දී news.lk නමින් ආරම්භ කළ එය අන්තර්ජාලයට මුදාහරින ලද්දේ 1997 මාර්තු මස 01 දින දීය. එතැන් පටන් සිංහල, දෙමළ හා ඉංග්‍රීසි භාෂාවලින් පවත්වාගෙන යනු ලබයි.
+94 11 366 3040
