කොලබෑව කොස්ගුලන ගඟ ආශ්‍රිත පෙදෙස ආකර්ෂණීය ස්ථානයක් ලෙස සංවර්ධනය කිරීමේ ව්‍යාපෘතියේ වැඩ ආරම්භ කිරීම පලාත් සභා හා පලාත් පාලන රාජ්‍ය අමාත්‍ය ජානක වක්කුඹුර මහතාගේ සහභාගීත්වයෙන් පසුගියදා සිදු කෙරිණි.
දිවයිනේ සංචාරක පහසුකම් වැඩි දියුණු කිරීමේ වැඩසටහන යටතේ පළාත් සභා පළාත් පාලන රාජ්‍ය අමාත්‍යාංශය මත ක්‍රියාත්මක වන මෙම ව්‍යාපෘතිය සඳහා ඇස්තමේන්තු ගත වියදම රුපියල් ලක්ෂ තිහකි.
මෙම අවස්ථාව සඳහා අයගම ප්‍රදේශීය සභාවේ හිටපු ප්‍රදේශීය සභා සභාපති තුමා ඇතුළු හිටපු ප්‍රදේශීය සභා මන්ත්‍රීවරුන් කොට්ඨාශ අපේක්ෂක අපේක්ෂිකාවන් ඇතුළු පිරිසක් සහභාගී වී සිටියහ.
රජයේ නිල පුවත් වෙබ් අඩවිය පවත්වාගෙන යනු ලබන්නේ රජයේ ප්‍රවෘත්ති දෙපාර්තමේන්තුවේ නව මාධ්‍ය ඒකකය මගිනි. 1996 වර්ෂයේ මැද භාගයේ දී news.lk නමින් ආරම්භ කළ එය අන්තර්ජාලයට මුදාහරින ලද්දේ 1997 මාර්තු මස 01 දින දීය. එතැන් පටන් සිංහල, දෙමළ හා ඉංග්‍රීසි භාෂාවලින් පවත්වාගෙන යනු ලබයි.
+94 11 366 3040
