නොවැම්බර් 17, 2024
දිවයින පුරා පළාත් මට්ටමින් ළමා රැකවරණ මධ්‍යස්ථාන ඉදිකිරීමේ වැඩසටහන යටතේ උඩුනුවර, වේරවලවත්ත ප්‍රදේශයේ ඉදිකිරීමට නියමිත ළමා රැකවරණ මධ්‍යස්ථානය සඳහා මුල්ගල තැබීම පසුගියදා ළමා සංවර්ධන හා කාන්තා කටයුතු අමාත්‍ය තිස්ස කරල්ලියද්ද මහතාගේ ප්‍රධානත්වයෙන් සිදුකෙරිණි.
නීතිය සමඟ ගැටුම් ඇති කරගත් දැරියන් රඳවා තැබීම සඳහා මෙම රැකවරණ මධ්‍යස්ථානය යොදා ගැනීමට නියමිත අතර, දැනට මධ්‍යම පළාතේ එවැනි රැඳවුම් මධ්‍යස්ථානයක් නොමැත. සියලු ම පහසුකම්වලින් යුත් මෙම නව මධ්‍යස්ථානයේ ඉදිකිරීම් මේ වසර නිමවීමට පෙර අවසන් කළයුතු අතර, එහි රැඳවියන් තිස්දෙනෙකුට නේවාසික පහසුකම් ඇත. ළමා අපයෝජන හා කාන්තා හිංසන වැළැක්වීම සඳහා අවශ්‍ය වැඩසටහන් ක්‍රියාත්මක කිරීම සඳහා ජනාධිපති මහින්ද රාජපක්ෂ මැතිතුමාගේ උපදෙස් මත ළමා සංවර්ධන හා කාන්තා කටයුතු අමාත්‍යාංශයට මේ වසරේ ලබාදී ඇති රුපියල් මිලියන හත්සියයේ වි‍ශේෂ ප්‍රතිපාදන යටතේ මෙලෙස පළාත් මට්ටමින් ළමා රැකවරණ මධ්‍යස්ථාන ඉදිකෙරෙන බව වේරවලවත්ත ළමා රැකවරණ මධ්‍යස්ථානයට මුල්ගල තැබීම වෙනුවෙන් පැවති උත්සවයේ දී අදහස් දක්වමින් අමාත්‍ය තිස්ස කරල්ලියද්ද මහතා පැවසීය.
සමස්ත ජනගහණයෙන් සියයට තිහක් පමණ වූ මේ රටේ දරු පරපුර තරම් වටිනා සම්පතක් මේ රටේ නොමැති බවත්, තමන්ගේ පටු අරමුණු වෙනුවෙන් රටවල් අතර, යුද්ධ ඇතිකර දරුවන් මරාදමන බටහිර රට‍වලට දරුවන්ගේ අගය පිළිබඳව මෙන්ම ඔවුන්ගේ අයිතිවාසිකම් ආරක්ෂා කිරීම ගැන ශ්රී ලංකාවෙන් බොහෝ පාඩම් ඉගෙනගත හැකි බවද අමාත්‍යවරයා මෙහිදී කියා සිටියේ ය.
එහිදී තව දුරටත් අදහස් දැක්වූ අමාත්‍ය තිස්ස කරල්ලියද්ද මහතා, “ මානව හිමිකම් කඩ කිරීම් පිළිබඳ මෙරටට අසත්‍ය චෝදනා නඟන ඇතැම් බටහිර ර‍ටවල්වලට මුලින් ම මානව හිමිකම් ගැන සිහිපත් කර දිය යුතුයි. ඉන්ධන ඇතුළු ස්වභාවික සම්පත් සූරාකෑමේ අරමුණින් විවිධ රටවල් අතර යුද්ධ ඇති කරන බටහිර ඇතැම් නායකයන් සාමය ගැන ලෝකයට කියාදීමට උත්සාහ ගැනීම හාස්‍යයට කරුණක්. අද මේ රටේ උතුරේ හා දකුණේ දරුවන් කාන්තාවන් ඉතා සතුටින් ජීවත්වෙනවා. ඔවුන් යුද්ධයක් ගැන මතක් කරනවාටවත් අකමැතියි.
දරුවන්ගේ හා කාන්තාවන්ගේ අවශ්‍යතා වෙනුවෙන් ප්‍රායෝගික වැඩසටහන් රාශියක් ඇති කිරීමට මහින්ද රාජපක්ෂ ජනාධිපතිතුමන්ගේ ආශිර්වාදය ලැබී තිබෙනවා. ඒ වගේම දරුවන් වෙනුවෙන් තීන්දු තීරණ ගැනීමේ දී ඒ ඒ පළාත් අනුව පමණක් නොව ජාතික වැඩපිළිවෙළක් ලෙස එය ක්‍රියාත්මක කළ යුතුයි. මේ රට ගොඩනගන්න, සංවර්ධනය කරන්න පිටරටවල උපදෙස් , මඟපෙන්වීම් අවශ්‍ය නැහැ. ඒ සඳහා මේ රටේ උගත්, බුද්ධිමත් බොහෝ පිරිසක් සිටිනවා. අපි ඔවුන්ගේ වටිනාකම තේරුම්ගෙන ඔවුන්ගේ නිසි සේවයක් ලබාගෙන නැහැ.
දරුවන් ආරක්ෂා කිරීමේ ප්‍රධාන වගකීම තිබෙන්නේ දෙමාපියන්ටයි. ඒ වගේම තමයි අද වෙනත් දරුවෙකුට වූ විපත හෙට තමන්ගේ දරුවට විය හැකියි. එනිසා මේ රටේ සියලු දරුවන් තමන්ගේ දරුවන් ලෙස සිතා ඔවුන් රැකබලා ගැනීමේ යුතුකම හා වගකීම මේ රටේ සියලු ම දෙමාපියන් වෙත පැවරී තිබෙනවා.”
සමස්ත ජනගහණයෙන් සියයට තිහක් පමණ වූ මේ රටේ දරු පරපුර තරම් වටිනා සම්පතක් මේ රටේ නොමැති බවත්, තමන්ගේ පටු අරමුණු වෙනුවෙන් රටවල් අතර, යුද්ධ ඇතිකර දරුවන් මරාදමන බටහිර රට‍වලට දරුවන්ගේ අගය පිළිබඳව මෙන්ම ඔවුන්ගේ අයිතිවාසිකම් ආරක්ෂා කිරීම ගැන ශ්රී ලංකාවෙන් බොහෝ පාඩම් ඉගෙනගත හැකි බවද අමාත්‍යවරයා මෙහිදී කියා සිටියේ ය.
දරුවන්ගේ හා කාන්තාවන්ගේ අවශ්‍යතා වෙනුවෙන් ප්‍රායෝගික වැඩසටහන් රාශියක් ඇති කිරීමට මහින්ද රාජපක්ෂ ජනාධිපතිතුමන්ගේ ආශිර්වාදය ලැබී තිබෙනවා. ඒ වගේම දරුවන් වෙනුවෙන් තීන්දු තීරණ ගැනීමේ දී ඒ ඒ පළාත් අනුව පමණක් නොව ජාතික වැඩපිළිවෙළක් ලෙස එය ක්‍රියාත්මක කළ යුතුයි. මේ රට ගොඩනගන්න, සංවර්ධනය කරන්න පිටරටවල උපදෙස් , මඟපෙන්වීම් අවශ්‍ය නැහැ. ඒ සඳහා මේ රටේ උගත්, බුද්ධිමත් බොහෝ පිරිසක් සිටිනවා. අපි ඔවුන්ගේ වටිනාකම තේරුම්ගෙන ඔවුන්ගේ නිසි සේවයක් ලබාගෙන නැහැ.
මෙම අවස්ථාවට මධ්‍යම පළාත් ප්‍රධාන අමාත්‍ය සරත් ඒකනායක, මධ්‍යම පළාත් සෞඛ්‍ය, සමාජ සුභසාධන පරිවාස හා ළමාරක්ෂක කටයුතු පිළිබඳ අමාත්‍ය බන්දුල යාලේගම මධ්‍යම පළාත් සභා මන්ත්‍රී මානෙල් බණ්ඩාර, මධ්‍යම පළාත් සෞඛ්‍ය, සමාජ සුභසාධන පරිවාස හා ළමාරක්ෂක සේවා අමාත්‍යාංශයේ ලේකම් නීතිඥ කේ. කැකුලන්දර, ළමා සංවර්ධන හා කාන්තා කටයුතු අමාත්‍යාංශයේ අතිරේක ලේකම් අශෝකා අලවත්ත, පරිවාස හා ළමාරක්ෂක සේවා දෙපාර්තමේන්තුවේ කොමසාරිස් යමුනා පෙරේරා, සහකාර පරිවාස කොමසාරිස් නිර්මලී කුමාරගේ සහ මධ්‍යම පළාත් පරිවාස කොමසාරිස් කුමුදුනී එස්. ප්‍රේමචන්ද්‍ර යන මහත්ම මහත්මීහු ඇතුළු පිරිසක් සහභාගී වුහ.
ECB
නවතම පුවත්
රජයේ නිල පුවත් වෙබ් අඩවිය පවත්වාගෙන යනු ලබන්නේ රජයේ ප්‍රවෘත්ති දෙපාර්තමේන්තුවේ නව මාධ්‍ය ඒකකය මගිනි. 1996 වර්ෂයේ මැද භාගයේ දී news.lk නමින් ආරම්භ කළ එය අන්තර්ජාලයට මුදාහරින ලද්දේ 1997 මාර්තු මස 01 දින දීය. එතැන් පටන් සිංහල, දෙමළ හා ඉංග්‍රීසි භාෂාවලින් පවත්වාගෙන යනු ලබයි.
+94 11 366 3040
