නොවැම්බර් 24, 2024
මන්නාරම ප්‍රදේශය සඳහා අධි සැර විදුලිය සම්ප්‍රේෂණ පද්ධතියක් ඉදිකිරීමට පියවර ගෙන තිබේ.
අනුරාධපුරයේ සිට වවුනියාව දක්වා දැනට ඇති විදුලිය සම්ප්‍රේෂණ පද්ධතිය මීට වසර 40ක පෙර සකසන ලද්දකි. මන්නාරම සහ උතුරු ප්‍රදේශයේ අනෙකුත් නගර සඳහා අවශ්‍ය විදුලි ධාරිතාව සැපයීමට එය ප්‍රමාණවත් නොවන බව හඳුනාගෙන ඇත. මේ නිසා අනුරාධපුර, කලත්තෑව විදුලි උප පොළෙහි සිට මිහින්තලේ, රඹැව ප්‍රදේශ හරහා නව අධි බලැති විදුලි සම්ප්‍රේෂණ පද්ධතිය ඉදිකිරීමට නියමිතය.
යුද්ධයෙන් පසුව උතුරු ප්‍රදේශයේ අලුතින් පදිංචි වූ පිරිස් විශාල වශයෙන් ජීවත් වන නිසා ඔවුන්ගේ විදුලිය අවශ්‍යතාව සපුරාලීමත්, අනාගතයට අවශ්‍ය විදුලිය ධාරිතාව සැපිරීමත් මෙහි අරමුණයි. මෙහිදී මන්නාරම ප්‍රදේශයෙන් සුළං බලය උපයෝගි කරගෙන ද විදුලිය ජනනය කිරීමට බලාපොරොත්තු වේ.
මෙහිදී විදුලිය රැහැන් පද්ධතිය ගෙන යාම සඳහා කණු සිටුවීමේ දී මිහින්තලේ අභය භූමිය හා මහකනදරාව රක්ෂිතය මගහැර එය සිදු කෙරේ.
මෙහිදී විදුලිය රැහැන් පද්ධතිය ගෙන යාම සඳහා කණු සිටුවීමේ දී මිහින්තලේ අභය භූමිය හා මහකනදරාව රක්ෂිතය මගහැර එය සිදු කෙරේ.
නවතම පුවත්
රජයේ නිල පුවත් වෙබ් අඩවිය පවත්වාගෙන යනු ලබන්නේ රජයේ ප්‍රවෘත්ති දෙපාර්තමේන්තුවේ නව මාධ්‍ය ඒකකය මගිනි. 1996 වර්ෂයේ මැද භාගයේ දී news.lk නමින් ආරම්භ කළ එය අන්තර්ජාලයට මුදාහරින ලද්දේ 1997 මාර්තු මස 01 දින දීය. එතැන් පටන් සිංහල, දෙමළ හා ඉංග්‍රීසි භාෂාවලින් පවත්වාගෙන යනු ලබයි.
+94 11 366 3040
