එම වැඩසටහන යටතේ මහනුවර දිස්ත්‍රික්කයේ නෙට්බෝල් පුහුණුකරුවන්ගේ සහ විනිසුරුවරුන්ගේ දැනුම යාවත්කාලීන කිරීමේ අරමුණින් දෙස් විදෙස් පුහුණුකරුවන් සහ උපදේශකවරුන් යටතේ පුහුණුවක් ලබාදීමට නියමිතව ඇත.
නොවැම්බර් 22, 2024
ජාතික මට්ටමින් දැල්පන්දු ක්‍රීඩාව සංවර්ධනය කිරීමේ අරමුණින් ක්‍රීඩා අමාත්‍යංශය හා ක්‍රීඩා සංවර්ධන දෙපාර්තමේන්තුව විශේෂ වැඩසටහනක් යොදා තිබේ.
මෙම වැඩසටහන් මාලාවේ පළමු අදියරේ පුහුණු වැඩසටහන අප්‍රේල් 07දා පෙරවරු 9.30 සිට පස්වරු 3.30දක්වා මහනුවර දිස්ත්‍රික් ලේකම් එච්.එම්.පී. හිටිසේකර මහතාගේ ප්‍රධානත්වයෙන් මහනුවර උසස් බාලිකා විද්‍යාලයේ දී පැවැත්වීමට කටයුතු සංවිධානය කොට ඇත. පළමු අදියර සඳහා දැල්පන්දු පුහුණුකාරිණියන් විසි දෙනෙක් සහ විනිසුරුවරු විසි දෙනෙක් සහභාගිවීමට නියමිතය.
මීට අමතර ව කුසලතාවන්ගෙන් හෙබි දැල්පන්දු ක්‍රීඩිකාවන්ගෙන් යුත් දැල්පන්දු සංවර්ධන සංචිතයක් ආරම්භ කොට පවත්වාගෙන යාමට ද කටයුතු යොදා ඇති අතර ජාතික මට්ටමේ උපදේශකයින්ගේ සහභාගිත්වයෙන් එම කටයුතු සිදු කෙරෙනු ඇත.
පළාත් අධ්‍යාපන හා ක්‍රීඩා අමාත්‍යංශය හා ශ්‍රී ලංකා නෙට්බෝල් සම්මේලනයේ ද සහයෝගයෙන් පවත්වන මෙම වැඩසටහන සංවිධානය කරනු ලබන්නේ මහනුවර දිස්ත්‍රික් ලේකම් කාර්යාලයයි.
නවතම පුවත්
රජයේ නිල පුවත් වෙබ් අඩවිය පවත්වාගෙන යනු ලබන්නේ රජයේ ප්‍රවෘත්ති දෙපාර්තමේන්තුවේ නව මාධ්‍ය ඒකකය මගිනි. 1996 වර්ෂයේ මැද භාගයේ දී news.lk නමින් ආරම්භ කළ එය අන්තර්ජාලයට මුදාහරින ලද්දේ 1997 මාර්තු මස 01 දින දීය. එතැන් පටන් සිංහල, දෙමළ හා ඉංග්‍රීසි භාෂාවලින් පවත්වාගෙන යනු ලබයි.
+94 11 366 3040
