අතිරේක දිස්ත්රික් ලේකම්වරයා මේ අදහස් පළ කළේ එතුමාගේ ප‍්‍රධානත්වයෙන් 2014 වර්ෂයේ මාතර දිස්ත්රික් ළමා සංවර්ධන කමිටුව තෙවන වරට රැස්වු අවස්ථාවේ දී ය. රැස්වීම පසුගියදා මාතර දිස්ත්රික් ලේකම් කාර්යාලීය ගාමිණී ජයසේකර ශ‍්‍රවණාගාරයේ දී පැවැතිණි. .
"ළමයින් සම්බන්ධ ගැටලුවලදී පාසලෙන් ළමයා ප‍්‍රතික්ෂේප කිරීම වෙනුවට සිදුවීමට අදාළ හේතු සෙවීම කළ යුතුයි. මේ පිළිබඳ ව විදුහල්පතිවරුන් හා ගුරුවරුන් දැනුවත් කිරීම සඳහා ඉදිරියේදී සුහදශීලී වැඩමුළු මාලාවක් සංවිධානය කළ යුතුයි".
ළමයින්ගේ ආරක්ෂාව පිළිබඳව දැනුවත් කිරීම් කොතෙක් කළ ද ළමා අපචාර, ළමා අපයෝජන, ළමා හිංසනය සහ ළමයින්ට එරෙහි ප‍්‍රචණ්ඩ ක‍්‍රියාවල අඩුවක් නොපෙනෙන බවත් පෙන්වා දුන් අතිරේක දිස්ත්රික් ලේකම්වරයා ඒ නිසා මේ සම්බන්ධයෙන් දිස්ත‍්‍රික්කයක් වශයෙන් විධිමත් පර්යේෂණයක් සිදුකළ යුතු බවද පෙන්වා දුන්නේය.
මේ අවස්ථාවට මාතර දිස්ත‍්‍රික්කයේ සියලුම ප‍්‍රාදේශිය ලේකම්වරු ඇතුළු ළමා සංවර්ධන ක්ෂේත‍්‍රයට සම්බන්ධ සියලුම රාජ්‍ය නිලධාරීන්, රාජ්‍ය නොවන සංවිධාන හා පොලිසිය සහභාගි වූහ.
මාතර දිස්ත්රික් ලේකම් කාර්යාලය හා ජාතික ළමා ආරක්ෂක අධිකාරියේ මාතර දිස්ත්රික් කාර්යාලය මෙම රැස්වීම සංවිධානය කරන ලදි.
DB/ TI - dmu matara
