ඡන්ද විමසීම් දිනයේදී ඡන්දය ආයාචනා කිරීම, යම් අපේක්ෂකයෙකු වෙනුවෙන් ඡන්ද ඉල්ලීම, යම් දේශපාලන පක්ෂයකට හෝ ස්වාධීන කණ්ඩායමකට ඡන්දය නොදමන ලෙස ඡන්ද හිමියන් දැනුවත් කිරීම, ඡන්ද පත්‍රිකාවක්, ඡන්ද අත් පත්‍රිකාවක්, ප්‍රදර්ශන පත්‍රයක්, දැන්වීම් කොළයක්, ඡායා රූපයක්, එක් එක් පක්ෂයකට හෝ ස්වාධීන කණ්ඩායමකට වෙන් කර ඇති ලකුණක් ඡන්ද පොළවල් ආසන්නයේ හෝ ඡන්ද පොළේදී ප්‍රදර්ශනය කිරීම සම්පූර්ණයේම තහනම් බව මැතිවරණ කොමිසමේ සභාපති ආර්.එම්.ඒ.එල් රත්නායක මහතා පවසයි.
සභාපතිවරයා මේ බව පැවසුවේ , අද (12) රජයේ ප්‍රවෘත්ති දෙපාර්තමේන්තුවේ පැවති 2024 මහ මැතිවරණය පිළිබඳ දැනුවත් කිරීමේ විශේෂ ප්‍රවෘත්ති සාකච්ඡාවට එක් වෙමිනි.
එමෙන්ම ඡන්ද මධ්‍යස්ථාන සහ ඡන්ද ගණන් කිරීමේ මධ්‍යස්ථාන වෙත ජංගම දුරකතන රැගෙන යාම, ඡායා රූප ගැනීම, විඩියෝ කිරීම, අවි ආයුධ සන්තකයේ තබා ගැනීම , මත් ද්‍රව්‍ය හෝ මත් පැන් පානය කර ඡන්ද මධ්‍යස්ථාන වෙත ඇතුළුවීම සම්පූර්ණයෙන්ම තහනම් බවද එවැනි අවස්ථා ඇති වුවහෝත් ඒ සඳහා ආරක්ෂක අංශ කටයුතු කරනු ඇති බවද සභාපතිවරයා වැඩිදුරටත් පැවසීය.
රජයේ නිල පුවත් වෙබ් අඩවිය පවත්වාගෙන යනු ලබන්නේ රජයේ ප්‍රවෘත්ති දෙපාර්තමේන්තුවේ නව මාධ්‍ය ඒකකය මගිනි. 1996 වර්ෂයේ මැද භාගයේ දී news.lk නමින් ආරම්භ කළ එය අන්තර්ජාලයට මුදාහරින ලද්දේ 1997 මාර්තු මස 01 දින දීය. එතැන් පටන් සිංහල, දෙමළ හා ඉංග්‍රීසි භාෂාවලින් පවත්වාගෙන යනු ලබයි.
+94 11 366 3040
