අම්පාර තංගවේලායුදපුරම් සහ කංචිකුඩිච්චිආරු ගම්මාන සංවර්ධනය කිරීමේ වැඩසටහන හෙට (15) පෙරවරු 10.00ට පුනරුත්ථාපන හා බන්ධනාගාර ප්‍රතිසංස්කරණ අමාත්‍ය චන්ද්‍රසිරි ගජදීර මහතාගේ ප්‍රධානත්වයෙන් තිරුක්කෝවිල්හි කංචිකුඩිච්චිආරු - තංගවේලායුදපුරම් හන්දියේදී අති උත්කර්ෂවත් අයුරින් ආරම්භ කෙරේ.
අලුතින් බස්රථයක් ධාවනයට එක් කිරීම, කෝවිලක් ඉදිකිරීමට මුල්ගල තැබීම, ප්‍රතිසංස්කරණය කිරීමට යෝජිත නිවසක වැඩ ආරම්භ කිරීම, පොදු ගොඩනැගිලි ප්‍රතිසංස්කරණය, අලි වැට ඉදිකිරීම, වගා ළිං ඉදිකිරීම, පාසල් දරුවන්ට පාපැදි බෙදාදීම සහ වගා ණය සඳහා චෙක්පත් ප්‍රදානය යන වැඩසටහන් මෙහිදී ක්‍රියාත්මක කිරීමට නියමිතය.
මේ අවස්ථාවට පුනරුත්ථාපන හා ප්‍රතිසංස්කරණ නියෝජ්‍ය අමාත්‍ය චන්ද්‍රසිරි මුතුකුමාරණ මහතා, අම්පාර දිස්ත්‍රික් මැති ඇමතිවරුන් හා නැගෙනහිර පළාත් සභාවේ මන්ත්‍රීවරුන් සහභාගිවීමට නියමිතය.
NDH
රජයේ නිල පුවත් වෙබ් අඩවිය පවත්වාගෙන යනු ලබන්නේ රජයේ ප්‍රවෘත්ති දෙපාර්තමේන්තුවේ නව මාධ්‍ය ඒකකය මගිනි. 1996 වර්ෂයේ මැද භාගයේ දී news.lk නමින් ආරම්භ කළ එය අන්තර්ජාලයට මුදාහරින ලද්දේ 1997 මාර්තු මස 01 දින දීය. එතැන් පටන් සිංහල, දෙමළ හා ඉංග්‍රීසි භාෂාවලින් පවත්වාගෙන යනු ලබයි.
+94 11 366 3040
