සෑම වසරකම ජූලි 11 වන දිනට යෙදී ඇති ලෝක ජනගහන දිනය සැමරීම ආරම්භ කර ඇත්තේ 1989 වසරේදීය. මෙවර සමරනු ලබන්නේ 25 වන ලෝක ජනගහන සැමරුම් දිනයයි.
"තරුණ පරපුර වෙනුවෙන් ආයෝජනය කිරීම" යන්න මෙවර ලෝක ජනගහන දිනයේ තේමාව වී ඇත. මෙහිදී ශ‍්‍රී ලංකාවේ එක්සත් ජාතීන්ගේ සංවිධානයේ ජනගහන අරමුදල මගින් ව්‍යාපාරික, සෞඛ්‍ය, පරිසර සංරක්ෂණය, සාමය සහ සහජීවනය, අධ්‍යාපනය, සංගීතය සහ ක‍්‍රීඩාව යන අංශයන්ට විශිෂ්ට දායකත්වයක් ලබාදී සාර්ථකත්වයට පත් අප රටේ තරුණ තරුණියන් පිළිබඳ ව සම්පාදනය කරන ලද, "තරුණ පරපුර වෙනුවෙන් සිදුකළ ආයෝජනයන්ගේ ප‍්‍රතිලාභ ලැබීම" යන ග‍්‍රන්ථය දොරට වැඩීමද සිදුවිය.
මෙම අවස්ථාවට ආර්ථික සංවර්ධන අමාත්‍යංශයේ ලේකම් වෛද්‍ය නිහාල් ජයතිලක, විදේශ තානාපතිවරුන්, රජයේ උසස් නිලධාරීන්, විශ්වවිද්‍යාල ආචාර්යවරුන් ඇතුළු පිරිසක් එක්ව සිටියහ.
DB
