නිපුණතා සංවර්ධන හා වෘත්තීය පුහුණු අමාත්‍ය චන්දිම වීරක්කොඩි මහතාගේ අදහසට අනුව මේ සඳහා පුහුණු මධ්‍යස්ථානයක් පසුගිය දා කොග්ගල ප‍්‍රදේශයේ දී ආරම්භ කෙරෙණි. රථ වාහන ධාවන බලපත‍්‍රයක් ලබා ගැනීමට නීත්‍යනුකූලව සුදුකම් සපුරා ඇති ඕනෑම අයකුට මෙහිදී නොමිලේ රියදුරු පුහුණුව ලබා ගත හැක. මෙහිදී විරැකියාවෙන් පෙළෙන රැකියා අපේක්ෂිත තරුණ තරුණියන්ට ප‍්‍රමුඛත්වය ලබා දීමට කටයුතු කෙරේ.
ආරම්භක දින වූ දිනයේ ම 350 කට අධික පිරිසක් මේ සඳහා ලියාපදිංචි වූ අතර දිවයිනේ අනෙකුත් ප‍්‍රදේශවල ද මේ වැනි මධ්‍යස්ථාන ඇරඹීමට අමාත්‍යවරයාගේ අදහසයි.
මෙම අවස්ථාවට ශ්‍රී ලංකා වෘත්තීය පුහුණු අධිකාරියේ සභාපති ආචාර්ය (ඉංජීනේරු) ලෙෆ්ටිනන්ට් කමාන්ඩර් ලයනල් පින්ටු මහතා හා උප සභාපති නීතිඥ තිලක් කාරියවසම් මහාතා ඇතුළු නිලධාරින් ඇතුළු ප‍්‍රාදේශීය දේශපාලනඥයින් පිරිසක් ද සහභාගී වූහ.
