මෙහිදී ශ්‍රී ලංකා පුවත්පත් මණ්ඩලයේ සභාපති අධිනීතීඥ කොග්ගල වෙල්ලාලබන්ධු මහතා විසින් ජනවාර්ගික තොරතුරු වාර්තා කලයුතු ආකාරය පිළිබඳවත් , කැලණියවිශ්ව විද්‍යාලයේ හිටපු අංශාධිපති මහාචාර්ය රෝහණ ලක්ෂ්මන් පියදාස මහතා විසින් ජාතික සංහිඳියාව ඇති කිරීමට ජනමාධ්‍ය ක්‍රියාකලයුතු ආකාරය පිළිබඳවත් , ජ්‍යෙෂ්ඨ මාධ්‍යවේදී ආරියනන්ද දොඹගහවත්ත මහතා විසින් ජාතීන් අතර සමගිය ඇති කර ගත හැක්කේ කෙසේද යන්න පිළිබඳව ද මාධ්‍යවේදීන් දැනුවත් කිරීම සිදු විය.
ශ්‍රී ලංකා පුවත්පත් මණ්ඩලය හා කුරුණෑගල දිස්ත්‍රික් ලේකම් කාර්යාලය ඒකාබද්ධව සංවිධානය කළ මෙම වැඩසටහන සඳහා ප්‍රවාහන හා සිවිල් ගුවන්සේවා නියෝජ්‍ය අමාත්‍ය අශෝක් අබේසිංහ , කුරුණෑගල දිස්ත්‍රික් පාර්ලිමේන්තු මන්ත්‍රී හා දිස්ත්‍රික් සම්බන්ධීකරණ කමිටුවේ සම සභාපති ජේ.සී. අලවතුවල , කුරුණෑගල දිස්ත්‍රික් ලේකම් ගාමිණී ඉලංගරත්න , ශ්‍රී ලංකා පුවත්පත් මණ්ඩලයේ කොමසාරිස් නිරෝෂන තඹවිට යන මහත්වරුන්ද , මාධ්‍යවේදීන් රැසක් ද සහභාගී වූහ.
