අමාත්‍යවරයා මෙම අදහස් ප්‍රකාශ කළේ ජගත් පරිසර දිනයට සමගාමීව ඊයේ (05) මාතලේ ශාන්ත තෝමස් විද්‍යාලයේ පැවති මධ්‍යම පළාත් පරිසර දින සැමරුම් උත්සවයට සහභාගී වූ අවස්ථාවේදීය.
අද අපි මේ පාසලින් ආරම්භ කරන පරිසර නියමු භට කණ්ඩායම් පිහිටුවීම හා ඔවුන්ට පරිසරය සුරැකීමට කුඩා කාලයේ සිටම පුරුදු පුහුණු කිරීම තුළින් ඔවුන් පරිණත අවධිය වන විට පරිසර හිතකාමී පුද්ගලයන් ලෙස සමාජයට දායාද කළ හැකි බවත් නන්දිමිත්‍ර අමාත්‍යවරයා පැවසීය.
පාසල් භූමියේ පැළ රෝපණය කිරීමත් පරිසර නියමු භට කණ්ඩායම් සඳහා ලාංඡන පැළඳවීමත් අමාත්‍යවරුන් අතින් මෙහිදී සිදුවිය.
මධ්‍යම පළාත් සභාවේ ප්‍රධාන ලේකම් සරත් ප්‍රේමවංශ, මාතලේ දිස්ත්‍රික් ලේකම් හෙලන් ඒ. මීගස්මුල්ල, අතිරේක දිස්ත්‍රික් ලේකම් තේජානි තිලකරත්න, ශාන්ත තෝමස් විද්‍යාලයේ විදුහල්පති ඩී. වනසිංහ යන මහත්ම මහත්මීන් තෝමස් විද්‍යාලයීය ගුරු මණ්ඩලය, සිසු දරුවන් සහ දෙමාපියන් රැසක් මීට සහභාගී වූහ.
NDH/GNK-ISB_dmu_matale
