මානව සම්පත් සංවර්ධනය කිරීමේ ශ්‍රී ලංකා ජාතික සභාව විසින් ක්‍රියාත්මක කරනු ලබන“රැකියා අරුණ” වෘත්තීය අභිප්‍රේරණ දෙවන වැඩසටහන හෙට (10) පෙරවරු 8.30 සිට පස්වරු 4.30 දක්වා ගම්පහ විශාඛා පාරේ පිහිටි සුමේධ සම්මන්ත්‍රණ ශාලාවේදී ගම්පහ දිස්ත්‍රික් ලේකම් සුනිල් ජයලත් මහතාගේ ප්‍රධානත්වයෙන් හා ගම්පහ දිස්ත්‍රික් ප්‍රාදේශීය ලේකම්වරුන්ගේ සහභාගිත්වයෙන් පැවැත්වේ.
මෙම වැඩසටහන ජාතික ප්‍රතිපත්ති හා ආර්ථික සංවර්ධන අමාත්‍යාංශය යටතේ ඇති මානව සම්පත් සංවර්ධනය කිරීමේ ශ්‍රී ලංකා ජාතික සභාව ජාතික වානිජ මණ්ඩලය, ආයෝජන මණ්ඩලය, වෘත්තීය පුහුණු ආයතන හා කලාප අධ්‍යාපන කාර්යාල සමඟ එක්ව සංවිධානය කර ඇත.
මෙම අභිප්‍රේරණ වැඩසටහනට වෘත්තීය පුහුණු ආයතන 20කට අධික ප්‍රමාණයක් සහභාගී වීමට නියමිත අතර රැකියා අපේක්ෂිත තරුණ තරුණියන්ට රැකියා ලබා ගැනීම සඳහා මහඟු අවස්ථාවක් වනු ඇත.
dmu_gampaha
රජයේ නිල පුවත් වෙබ් අඩවිය පවත්වාගෙන යනු ලබන්නේ රජයේ ප්‍රවෘත්ති දෙපාර්තමේන්තුවේ නව මාධ්‍ය ඒකකය මගිනි. 1996 වර්ෂයේ මැද භාගයේ දී news.lk නමින් ආරම්භ කළ එය අන්තර්ජාලයට මුදාහරින ලද්දේ 1997 මාර්තු මස 01 දින දීය. එතැන් පටන් සිංහල, දෙමළ හා ඉංග්‍රීසි භාෂාවලින් පවත්වාගෙන යනු ලබයි.
+94 11 366 3040
