“හැකියාවට රැකියාවක්” මහජන රැකියා සේවා වැඩසටහන මේ මස 20 වන දින පෙ.ව 9.00 ට කොළඹ දිස්ත්‍රික් ලේකම් කාර්යාලයේ පළමුවන මහලේ ප්‍රධාන ශ්‍රවණාගාරයේ දී පැවැත්වීමට කටයුතු සංවිධානය කර ඇත.
කම්කරු සබදතා අමාත්‍යංශයේ මිනිස් බල හා රැකි රක්ෂා දෙපාර්තමේන්තුව යටතේ කොළඹ දිස්ත්‍රික් මහජන රැකියා සේවා මධ්‍යස්ථානය මගින් මෙම වැඩ සටහන සංවිධානය කර ඇත.
එදින සහභාගී වන රැකියා අපේක්ෂිතයන් සදහා ප්‍රවීන දේශක අජිත් ජයවර්ධන මහතා විසින් වෘත්තිය මාර්ගෝපදේශනය පිළිබද දේශනයක් පවත්වනු ලබයි.මෙම වැඩසටහන සදහා දිවයිනේ ප්‍රධාන පෙලේ පෞද්ගලික අංශයේ ආයතන සහභාගී වන අතර සපුරා ඇති සුදුසුකම් අනුව රැකියා ගත වීමේ අවස්ථාව එදිනම උදා කර ගැනීමේ හැකියාව පවතී.
AP/DMU-Colombo
රජයේ නිල පුවත් වෙබ් අඩවිය පවත්වාගෙන යනු ලබන්නේ රජයේ ප්‍රවෘත්ති දෙපාර්තමේන්තුවේ නව මාධ්‍ය ඒකකය මගිනි. 1996 වර්ෂයේ මැද භාගයේ දී news.lk නමින් ආරම්භ කළ එය අන්තර්ජාලයට මුදාහරින ලද්දේ 1997 මාර්තු මස 01 දින දීය. එතැන් පටන් සිංහල, දෙමළ හා ඉංග්‍රීසි භාෂාවලින් පවත්වාගෙන යනු ලබයි.
+94 11 366 3040
