අමාත්‍යවරයා මෙම අදහස් පලකළේ  මහනුවර උඩරට කලාසංගම් ශාලාවේ  පැවැති සමෘද්ධී ලාභීන්ට ප්‍රතිලාභ බෙදා දීමේ උත්සවයකට සහභාගි වෙමිනි. 

 

දැනට දිවයින පුරා පිහිටි සමෘද්ධි බැංකු 1,074 ක්  නවීකරණය කිරීමටත්, නවතාක්ෂණය හදුන්වාදීමටත් කටයුතු කරන බව පැවසු අමාත්‍යවරයා සමෘද්ධි ව්‍යාපාරය සතුව රුපියල් බිලියන 139 ක මුදලක තැන්පතු වශයෙන් පවතින බවත් පෙන්වා දෙන ලදී. එම මුදලින් ග්‍රාමීය ජනතාවට  අඩු පොලියට ණය ලබාදෙමින්  ග්‍රාමීය ආර්ථිකයේ  පිබිදීමක් ඇති කිරීමට කටයුතු කරන බවද පැවසු අමාත්‍යවරයා සමෘද්ධී නිලධාරීන්ට  8%ක පොලියට  රුපියල්  ලක්ෂ 10ක ණය මුදලක් ලබාදීමට කටයුතු කරන බවද පැවසීය.  සමෘද්ධි නිලධාරින්ට විධිමත් උසස්වීමේ ක්‍රමවේදයක් සකස් කිරීමට කටයුතු කරන බවත්  දැනට පවතින දිවිනැගුම යන නාමය වෙනුවට ඉදිරියේදී සමෘද්ධි යන නාමය නැවතත් ඇතුළත් කිරීමට කටයුතු කරන බවත් අමාත්‍යවරයා වැඩිදුරටත්  පැවැසීය. 

 

මෙම අවස්ථාවට මහනුවර දිස්ත්‍රික් ලේකම් එච්.එම්.පී. හිටිසේකර මහතා ඇතුළු රාජ්‍ය නිලධාරින් රැසක්ද,  සමෘද්ධීලාභින් පිරිසක්ද සහභාගි වී සිටිහ. 

 

AP/DMU-Kandy