කොළඹ පාරිභෝගික මිල දර්ශකයට අමතරව ජාතික වශයෙන් මිල මට්ටමේ සිදුවන වෙනස්කම් නියෝජනය කරන ජාතික පාරිභෝගික මිල දර්ශකයක් හඳුන්වා දීමට රජය තීරණය කර තිබේ.
ඒ සඳහා 2013 වර්ෂය පදනම් වර්ෂය ලෙස ගැනීමටත් 2015 නොවැම්බර් 21 වන දිනෙන් ආරම්භව සෑම මසකම 21 වන දිනයේදී මෙම ජාතික පාරිභෝගික මිල දර්ශකය ප්‍රකාශයට පත්කිරීමටත් රජය අදහස් කර ඇත.
ජනලේඛන සහ සංඛ්‍යාලේඛන දෙපාර්තමේන්තුව විසින් පිළියෙල කරන කොළඹ පාරිභෝගික මිල දර්ශකය මගින් කොළඹ නගර සීමාව තුළ සිදුවන මිල වෙනස්කම් පිළිඹිබු වුවත් ජාතික මට්ටමින් සිදුවන මිල වෙනස්වීම් නිරූපණය වන්නේ නැත.
රජයේ නිල පුවත් වෙබ් අඩවිය පවත්වාගෙන යනු ලබන්නේ රජයේ ප්‍රවෘත්ති දෙපාර්තමේන්තුවේ නව මාධ්‍ය ඒකකය මගිනි. 1996 වර්ෂයේ මැද භාගයේ දී news.lk නමින් ආරම්භ කළ එය අන්තර්ජාලයට මුදාහරින ලද්දේ 1997 මාර්තු මස 01 දින දීය. එතැන් පටන් සිංහල, දෙමළ හා ඉංග්‍රීසි භාෂාවලින් පවත්වාගෙන යනු ලබයි.
+94 11 366 3040
