රජයේ සේවකයින් හට යතුරුපැදි ලබාදීමේ වැඩපිළිවෙළ යටතේ කළුතර දිස්ත‍්‍රික්කයේ රාජ්‍ය සේවයේ නියුතු ක්ෂේත්ර නිලධාරීන් 336 ක් සඳහා යතුරුපැදි ලබාදීම පසුගියදා සෞඛ්‍ය, පෝෂණ හා දේශීය වෛද්‍ය අමාත්‍ය දොස්තර රාජිත සේනාරත්න මහතාගේ ප‍්‍රධානත්වයෙන් කළුතර දිස්ත‍්‍රික් ලේකම් කාර්යාලයේ දී සිදු කෙරිණි.
මීට ප‍්‍රථම කළුතර දිස්ත‍්‍රික්කයේ රාජ්‍ය සේවයේ නියතු ක්ෂේත්ර නිලධාරීන් වෙත අවස්ථා 03 දී යතුරුපැදි ලබාදීමට කටයුතු කළේය.
මෙම යතුරුපැදි 336 ලබාදීමත් සමඟ කළුතර දිස්ත‍්‍රික්කයේ සියලු රාජ්‍ය සේවයේ නියුතු ක්ෂේත්ර නිලධාරීන් වෙත යතුරුපැදි 4,979 ක් ලබා දී අවසන්වීමත් මෙහි විශේෂත්වයකි.
මෙම අවස්ථාවට කළුතර දිස්ත‍්‍රික් ලේකම් යූ.ඩි.සී ජයලාල් මහතා ඇතුළු පිරිසක් එක්ව සිටියහ.
රජයේ නිල පුවත් වෙබ් අඩවිය පවත්වාගෙන යනු ලබන්නේ රජයේ ප්‍රවෘත්ති දෙපාර්තමේන්තුවේ නව මාධ්‍ය ඒකකය මගිනි. 1996 වර්ෂයේ මැද භාගයේ දී news.lk නමින් ආරම්භ කළ එය අන්තර්ජාලයට මුදාහරින ලද්දේ 1997 මාර්තු මස 01 දින දීය. එතැන් පටන් සිංහල, දෙමළ හා ඉංග්‍රීසි භාෂාවලින් පවත්වාගෙන යනු ලබයි.
+94 11 366 3040
