මෝදර සිට වැල්ලවත්ත දක්වා වරාය නගරයක්, කටුනායකට ගුවන් නගරයක් සහ මාළබේ සිට හෝමාගම දක්වා තාක්ෂණ නගරයක් ඉදි කරන බව මහානගර හා බස්නාහිර සංවර්ධන අමාත්‍ය පාඨලී චම්පික රණවක මහතා පවසයි.
රුපියල් මිලියන 58ක වියදමෙන් ඉදිකෙරුණු හෝමාගම සති පොළ ජනතා අයිතියට පත්කරමින් අමාත්‍යවරයා මේ බව කියා සිටියේය.
සියලු පහසුකම්වලින් සමන්විත හෝමාගම නව සතිපොළ හේතුවෙන් ප්‍රදේශයේ ගම් රැසක ජනතාවට සෙත සැලසේ.
බස්නාහිර පළාත් ප්‍රධාන අමාත්‍ය ඉසුර දේවප්‍රිය, විපක්ෂ නායක මංජු ශ්‍රි අරංගල, පළාත් අමාත්‍ය ගාමිණී තිලකසිරි යන මහත්වරුන් ඇතුළු පිරිසක් මෙම අවස්ථාවට එක්ව සිටියහ.
රජයේ නිල පුවත් වෙබ් අඩවිය පවත්වාගෙන යනු ලබන්නේ රජයේ ප්‍රවෘත්ති දෙපාර්තමේන්තුවේ නව මාධ්‍ය ඒකකය මගිනි. 1996 වර්ෂයේ මැද භාගයේ දී news.lk නමින් ආරම්භ කළ එය අන්තර්ජාලයට මුදාහරින ලද්දේ 1997 මාර්තු මස 01 දින දීය. එතැන් පටන් සිංහල, දෙමළ හා ඉංග්‍රීසි භාෂාවලින් පවත්වාගෙන යනු ලබයි.
+94 11 366 3040
