ලෝක බැංකු ණය ආධාර යටතේ ක්‍රියාත්මක කරනු ලබන උපාය මාර්ගික නගර සංවර්ධන ව්‍යාපෘතිය යටතේ මහනුවර නගරයේ වාහන තදබදය අවම කිරීමේ අරමුණින් මෙම ව්‍යාපෘතිය මහනගර සභා සහ බස්නාහිර පළාත් සංවර්ධන අමාත්‍යාංශය යටතේ ක්‍රියාත්මක කෙරේ.
යෝජිත මාර්ගවලට අවශ්‍ය ඉඩම් අත්පත් කරගැනීම් මේ දිනවල සිදු කෙරෙන අතර, එහිදී ඉඩම් කැබලි 1250කට අධික ප්‍රමාණයක් අත්පත් කරගැනීමට නියමිතය. ඉඩම් අත්පත් කරගැනීමේ කටයුතු ඉඩම් අත්පත් කරගැනීමේ පනතට අනුව සිදු කරනු ලබන අතර ජාතික මෙන්ම ජාත්‍යන්තර මුල්‍ය ආයතනයන්හී සමාජ ආරක්ෂණ නිර්ණායකයන්ට අනුකුලව වන පරිදි අමාත්‍ය මණ්ඩල අනුමැතිය ඇතිව පිහිටුවා ඇති LARC කමිටු ක්‍රමය හරහා වන්දි ප්‍රදානය සිදුකෙරේ. මේ වන විට මහනුවර ධර්මා‍ශෝක මාවතේ අත්පත් කරගත් ඉඩම් කැබලි වෙනුවෙන් වන්දි ප්‍රදානය මේ වන විට ආරම්භ කොට තිබේ.
AP/DMU-Kandy
