දකුණු කොරියාවේ කම්කරු අමාත්‍යංශය සහ ශ‍්‍රී ලංකා රජය අතර වාර්ෂිකව අත්සන් කරනු ලබන අවබෝධතා ගිවිසුමට විදේශ රැකියා අමාත්‍ය නීතීඥ තලතා අතුකෝරළ මහත්මිය සහ කොරියානු මානව සම්පත් සංවර්ධන ආයතනයේ ශ‍්‍රී ලංකා අධ්‍යක්ෂ ජියෝන් හෝ ලින් මහතා අත්සන් තැබීය. පසුගියදා (05) ශ‍්‍රී ලංකා විදේශ සේවා නියුක්ති කාර්යාංශයේ දී මෙය සිදුවිය.
මේ වන විට දකුණු කොරියාවේ ශ‍්‍රී ලංකික ශ‍්‍රමිකයන් 28,000 ක් පමණ සේවය කරන අතර මේ වසරේ පසුගිය මාස 9 තුළ රැකියා සඳහා එරටට ශ‍්‍රී ලාංකිකයන් 5,599 දෙනෙකු පිටව ගොස් තිබේ. මේ අතර 2014 වර්ෂයේ පැවති 12 වන කොරියානු භාෂා ප‍්‍රවීණතා විභාගයට 14,000ක් අයදුම්කරුවන් පෙනී සිටි අතර , ඉන් 1,013 දෙනෙක් සමත් වූහ.
2015 වර්ෂයේ පැවති 13 වන කොරියානු භාෂා ප‍්‍රවීණතා විභාගයට 2,221 අයදුම්කරුවන් පෙනී සිටි අතර , ඉන් 1,201 දෙනෙක් සමත් වූහ. 2014 දී කොරියාවේ රැකියා සඳහා 6,684 ක් පිටව ගොස් තිබේ.
රජයේ නිල පුවත් වෙබ් අඩවිය පවත්වාගෙන යනු ලබන්නේ රජයේ ප්‍රවෘත්ති දෙපාර්තමේන්තුවේ නව මාධ්‍ය ඒකකය මගිනි. 1996 වර්ෂයේ මැද භාගයේ දී news.lk නමින් ආරම්භ කළ එය අන්තර්ජාලයට මුදාහරින ලද්දේ 1997 මාර්තු මස 01 දින දීය. එතැන් පටන් සිංහල, දෙමළ හා ඉංග්‍රීසි භාෂාවලින් පවත්වාගෙන යනු ලබයි.
+94 11 366 3040
