මුලතිව් සහ කිලිනොච්චි ආරක්ෂක සේනා මූලස්ථානයන් යටතේ ත්‍රස්තවාදයට එරෙහි පසුගිය මානුෂිය මෙහෙයුමට පෙර කිලිනොච්චි දිස්ත්‍රික්කයේ ඉඩම් අක්කර 474ක් සහ මුලතිව් දිස්ත්‍රක්කයේ ඉඩම් අක්කර 139ක් වශයෙන් ඉඩම් අක්කර 613ක් ආරක්ෂක රාජකාරි සඳහා ත්‍රිවිධ හමුදාව යටතේ පැවතුණි.
මීට පෙර ජනාධිපති මෛත්‍රීපාල සිරිසේන මැතිතුමා සිය ධුරයට පත්වීමත් සමඟම මෙම වසරේ ජනවාරි මස උතුරේ සංචාරය කළ අවස්ථාවේ තවත් ඉඩම් අක්කර 1000ක් සිවිල් වැසියන් අතට පත් කරනු ලැබීය.
මෙම ජාතික උත්සවය සඳහා ආරක්ෂක රාජ්‍ය අමාත්‍ය රුවන් විජයවර්ධන මහතා ප්‍රමුඛ ප්‍රධාන අමාත්‍යවරු, පාර්ලිමේන්තු මන්ත්‍රීවරු, ආරක්ෂක ලේකම්, දිස්ත්‍රික් සහ ප්‍රාදේශීය ලේකම්වරුන්, යුද, නාවික සහ ගුවන් හමුදාපතිවරුන්, පොලිස්පති, ආරක්ෂක සේනා මූලස්ථාන ආඥාපතිරුන් සමගින් ප්‍රදේශයේ සිවිල් වැසියන් බොහෝ පිරිසක් සහභාගි වූහ.
